煲呔曾尋日公布經機會嘅建議時，有位記者嘅手機突然響起，佢就懶嚴重咁叫停咗成個記者會，話要「等佢講埋個電話先」，之後仲窒個記者問佢「校咗震機未？」令對方極為尷尬。其實煲呔曾○六年出訪雲南時，亦曾經喺同雲南省長徐榮凱會面時兩度響起手機，當時徐省長只係好客氣咁講咗句「不要緊，你有事」，反而煲呔曾就賴三賴四，話係啲香港推銷電話，冇檢討吓自己點解冇熄機或者校做震機。事件再次證明煲呔曾律人嚴待己寬，有口話人冇口話自己！