來港約五年的鄭太，昨晨往殮房認屍時哭得死去活來，她表示自己靠四千多元收入維持生計，惟同時需支付內地丈夫的醫療費，生活捉襟見肘，長期需節衣縮食，但為着家人，亦從無怨言，「老公生癌，每月藥費要成千幾蚊，大仔同二女收入好少，細仔又冇嘢做，我要寄錢返去畀佢哋幫補吓。」

子女哭叫：點解喺父親節走

為了「慳得就慳」，鄭太平日多以酒樓的殘羹餘食果腹，而父親節當日，鄭太於酒樓取走一袋原已打算丟棄的排骨，打算回家與丈夫一同享用慶祝父親節。豈料，回家時卻發現丈夫昏迷在床，搶救不治，「我通知咗三個仔女，佢哋不停咁喊，仲話點解阿爸會喺父親節走？連最後一面都見唔到！」昨中午大雨過後，記者與鄭太傾談期間，以溫度計測量其住所溫度已達攝氏廿九度，若在暑熱夏日相信溫度更高。

東方日報慈善基金了解後，已即時從「無力殮葬」專戶撥款二萬元，協助鄭太辦理丈夫身後事，鄭太對基金及時援手，深表感激。

捐款編號：11734