香港紅磡體育館翻新重開未幾，即被發現甩漏處處。嚴小姐早前偕朋友前往紅館欣賞演唱會，當日所購乃藍區94至96號門票，但發現96號座位上竟貼上84號標貼，擾攘逾十分鐘職員才發現錯貼號碼，「畀四百幾蚊買飛，就因為佢貼錯座位號碼，搞到我哋等咗十幾分鐘，開幕都冇得睇！」
民間監管公共事業聯委會發言人蔡耀昌認為，康樂及文化事務署應該加強對場地安排的檢測，避免再發生類似的事件，「員工如果有培訓，檢查得好啲，就唔會連編號都搞錯啦！康文署除咗要加強培訓，仲要檢討制度，補償番畀觀眾！」
康文署發言人承認錯貼座位編號屬人為錯誤，並對因此延誤入座的觀眾致歉，同時承諾加強監督座位編排及標貼座位編號程序，及加強帶位員訓練。