五十七歲的阿文（化名）患抑鬱症逾二十年，須定期到精神科覆診。○六年四月，阿文因工傷與僱主發生爭拗，不但加重病情，期間更因一時激動而跳海自殺，幸及時獲救檢回一命。不過，在阿文做出「傻事」後，社工竟從未主動探訪，「咁多年嚟搵個社工上門睇吓都冇，啲社工年年換人，到依家我都唔認得邊個打邊個！」

萌死念求助 遭社署打發

三年以來，阿文的鬱結一直無法解開，早前又再因陳年勞資糾紛而情緒低落，並再次萌起尋死念頭，雖曾向社工求助，結果仍失望而回，「佢叫我如果唔開心就搬去中途宿舍住，搵唔到嘢做就去庇護工場！真係牛頭唔搭馬嘴，我都唔係要呢啲，我只係想同人傾吓！」阿文說，每次與社工傾談，對方總予人「好趕時間」之感，故決定轉向區議員申訴。

對於政府漠視精神病患者一事，另一名病人家屬李女士亦感同身受。李的兄長患有精神分裂症已逾廿年，雖長期覆診仍未見起色，「我陪阿哥去睇醫生，次次唔使五分鐘就睇完，跟住就成大半年後先覆診，中間段時間根本冇人理佢！」李指社工鮮有家訪，更遑論跟進，結果其兄最終便選擇跳樓了結生命。

漠視資源不足 問題惡化

「依家只係得二十五個社區精神健康連網，但係就要跟晒全港嘅出院精神病患者，你話夠唔夠？」社福界立法會議員張國柱狠批當局投放資源不足，令精神病患者缺乏應有支援，即使部分病人出現暴力傾向，社工亦未能因應最新情況要求病人入院，不幸事件往往由此而生。

南區區議員歐立成認為，在政府漠視下，社區精神病患者問題日趨嚴重，「差唔多每月都有兩、三宗精神病者滋擾人嘅個案，好似破壞公物都算係小事，最怕搞出人命！」歐認同精神病人必須融入社區，但大前提必須由政府投放資源，才能協助病人融入社區。

面對阿文的指摘，社署發言人不但一一否認，還堅稱自○一年開始已跟進阿文的個案，並保持密切接觸，包括定期會面、電話聯絡及提供適切服務，同時亦已增聘精神科醫務社工以應需求。

至於醫管局的回應亦與社署不遑多讓，該局只以食物及衞生局局長周一嶽早前就立法會議員提問所發表的書面回覆作答，內容除再次重複陳述現有精神科醫生人數及病人數目外，並未就上述個案有任何實質回應。

部門各自為政 病人枉死

社會上不少問題均源於政府部門各自為政，精神社康政策亦然。中文大學精神科學系教授李誠更以「杯水車薪」形容政府現有的精神社康政策，令不少人命白白斷送，「我哋（學者）○一年就同政府建議，要求成立精神健康議會，制訂精神康復政策，點知政府話唔使！好啦，依家就愈嚟愈大鑊！」李指精神病患者問題並非即時性，原可透過跟進緩解，可惜醫管局與社署各自為政，對病人跟進不足，令問題日益嚴重，「有時睇到有高危精神病人（即曾有傷人或自殘意識者），但問番啲社康護士同駐院社工，居然冇人知道個CASE（個案），真係離譜！」

■記者　徐曉敏