18歲跟隨父親 從低做起

顏尊輝回憶說，他自十八歲開始便跟隨父親到「蓮香樓」邊學邊做，從低做起，至今四十年：「我讀書唔成嘛，畢業便跟我老竇學嘢，我做過點心、樓面、廚房、貨倉，製餅都學過，連杯碟嘅蓮花標誌都係我設計，我放好多心機響度。」

直至九六年原址業主收舖重建，「蓮香樓」搬到對街繼續營業，身為持牌人的父親順道轉名予顏尊輝繼承，並進行改革開設夜市，經歷過九七金融風暴衝擊，「十三年好多心血，到依家叫做到有啲名氣、有啲成績」。

顏尊輝回想當年搬舖，並非刻意走懷舊路線：「當時只係諗茶樓係咁嘅裝修㗎啦，點知後來興起懷舊潮，原來有啲嘢做咗出嚟，努力過，不知不覺先知有咁嘅成果。」他指類似的「省港式茶樓」都因後繼無人而結業，「幸運在我哋碩果僅存，所以出名囉」。

「蓮香居」出售的餅食與「蓮香樓」所售的相同。

「蓮香居」沿用舊式銅茶壺。

特價小菜迎戰 捱過困境

問他在「蓮香樓」的難忘事，他笑言：「依家（官司纏身）就最難忘！」其實「蓮香樓」九六年搬舖不久便遇上金融風暴，經營出現困難，他說：「當時夥計都叫我跟潮流減價，但我不想將貨就價，就諗出以特價小菜迎戰，並堅持品質，總算捱過咗。」

顏尊輝表示，父親自從「蓮香樓」開業後經營了五、六十年再交給他，就是希望「一代一代咁維持落去」。可有想過退休交棒予兒子？他呷着茶無奈地說：「我希望解決依家呢個混亂情形先交畀下一代，況且其他股東幾代人都嚟搵我，我想退休都難。」

■記者陳佩詩