繼早前發生冧鐵閘奪命事件後，馬鞍山頌安邨昨日險發生冧閘意外，千鈞一髮之際，全靠保安鐵鏈才不致造成人命傷亡。
當區區議員楊文銳指出，事發地點為頌德樓正門，出事大閘於前天經房署承辦商檢查後已發現有鬆脫現象，工人卻以沒有即時危險為由未有即時進行維修，「啱啱先話冇即時危險，點知轉頭就冧閘，係咪反映檢查馬虎或者有人為疏忽？既然人都到咗，點解唔即刻整埋佢？」楊要求房署解釋維修指引，避免日後再有同類事件發生。
房屋署發言人表示，每日均會派員巡查轄下包括大閘等設施，前日的檢查並未發現大閘有鬆脫情況。至昨日職員檢查時發現大閘鬆脫，大閘因設有保安鐵鏈連繫而未有塌下及傾斜，職員已即時封閉大閘並進行維修。
