政情:李少光:跟風淋鏹要負刑責

旺角行人專用區變咗狂徒發洩專用區,兩度發生高空掟下腐蝕性水彈事件,中招嘅遊人無辜天降橫禍,但警方到依家都未破到案,犯案狂徒逍遙法外,唔知幾時再嚟第三劑。保安局局長李少光尋日一面警告狂徒唔好以身試法,話即使跟風模仿都要負上刑責,最高刑罰仲係終身監禁;一面承認偵查呢單案有一定難度,即係變相投降咗一半,先打定底,叫大家對破案勿抱太大期望。平日鍾意流連旺角行街食飯嘅市民,聽完之後,唔知以後會唔會深閨啲?

直擊人類豬流感最新疫情
詳情瀏覽on.cc《奪命流感》