政情：李少光撐入境處 酌情恰當

立法會議員尋日繼續狙擊商務及經濟發展局副局長蘇錦樑Show卡片替外傭續約一事，要求保安局局長李少光交代入境處運用酌情權嘅準則。做過入境處處長嘅李少光，一聽到班議員狂踩入境處攀附權貴，即時起晒槓，話自己對入境處職員嘅專業操守好有信心，運用酌情權係為咗方便市民，之後仲大讚入境處服務深得民心。當議員提及爆料職員時，李少光竟然話：「今時今日，我都唔相信事件同入境處職員有關！」莫非爆料者真係另有其人？