食肆違例擴張營業衍生阻街、噪音等問題，在食物環境衞生署「隻眼開隻眼閉」執法下，食肆更有恃無恐。銅鑼灣寶靈頓道食肆晚晚在店外筵開百席，行人路及馬路長期被多間食肆「攻佔」，至今仍未有一間食肆被「釘牌」；記者更目擊食環署職員僅與違規食肆負責人「傾偈」，未作任何檢控。立法會議員與區議員狠批食環署有法不執，且檢控程序過於繁複，令食肆阻街變「死症」。
入夜後的寶靈頓道光如白晝、場面墟冚，多間食肆在傍晚五、六時開始，便在行人路及馬路擺滿過百張枱椅營業，行車馬路變身「食街」後，至凌晨兩、三時仍然人聲鼎沸，喧鬧不絕。街坊許先生直言「晚晚受罪」到天明，「啲油煙大到開唔到窗不特止，晚晚畀啲人聲、收啤酒樽聲係咁嘈，真係冇覺好瞓，間中仲有人醉酒鬧事，總之冇日安寧！」許更指近半馬路遭枱椅佔用，車輛駛過不時會與食客擦身而過，險象環生。
許稱，多年來向食環署投訴過無數次，惜情況未有絲毫改善，「晚晚過百張枱擺出嚟，係就係有人（食環署職員）巡，但就從來冇一間食肆釘過牌（永久吊銷牌照），咁做嘢都得？」
上訴拖延 借屍還魂
除寶靈頓道外，銅鑼灣的登龍街、西灣河街市熟食中心及筲箕灣林安坊亦有食肆違例經營。記者於林安坊查證期間，便巧遇食環署人員正在巡查，惟只見職員與食肆東主指手畫腳一番後，不消十分鐘便「收隊」，食肆則依舊「大搖大擺」經營，數十枱食客仍在行人路上大快朵頤，煙酒不斷。
灣仔區議會主席孫啟昌認同，因食環署執法不力，加上繁複的檢控及上訴機制，已令寶靈頓道及登龍街食肆阻街問題變成「死症」，「食環署一個星期先巡一、兩次，扣滿十五分都要等幾個月，到話要釘佢哋牌，啲食肆就走去上訴，結果又要等一年半載，搞到真係釘到牌，佢哋係咁意換個老細同招牌就可以再嚟過，邊有人會驚！」孫認為只有加重罰則及加快上訴程序，才能收到真正阻嚇作用。
議員狠批法例虛設
立法會食物安全及環境衞生事務委員會主席李華明認為，問題癥結在於食環署有法不執，令現有條例形同虛設，「雖然依家經濟唔好，生意難撈，但食環署都唔可以由得啲食肆亂嚟！」李建議食環署可嚴打違例食肆，或將食肆擴張營業納入規管範圍，而非以放任政策讓食肆「自由發展」。
食環署發言人表示，該署一直關注上址食肆非法擴展營業範圍，並經常派員巡查及採取突擊檢控行動。
記者 徐曉敏