神探Pikachu中佬變聲賣萌

動漫改編成真人電影並非新鮮事，可惜近年如《進擊的巨人》、《鋼之鍊金術師》等均慘淡收場，票房口碑雙輸。由《寵物小精靈》（官方譯精靈寶可夢）衍生的真人版電影《POKÉMON神探Pikachu》明天正式在港上映，當大家對它不寄厚望之時，首映卻獲得影評人一致激讚，且看能否吸引一眾POKÉMON粉絲再次掀起熱潮！
CG真人版電影《POKÉMON神探Pikachu》於5月9日正式在港上映。
CG真人版電影《POKÉMON神探Pikachu》於5月9日正式在港上映。

暴龍哥粵語配音

《POKÉMON》自1996年面世以來，全球遊戲銷量逾3億套，動畫系列於160多個地區播放，歷年劇場版電影錄得超過54億港元票房；再加上歌曲、玩具、精品及早年大熱的《POKÉMON GO》手遊，稱得上是跨媒體人氣作品。今次真人版電影首度將一眾精靈變成CG人物，主角比卡超（官方譯皮卡丘）英文版由「死侍」Ryan Reynolds聲演，粵語版則由「暴龍哥」鄭中基負責，萌爆角色配以中佬聲線，單是想像已叫人笑甩下巴。

比卡超（官方譯皮卡丘）中英文版分別由鄭中基（右）及Ryan Reynolds（左）聲演，中佬扮萌講「Pika Pika」，叫人期待！
  • 比卡超（官方譯皮卡丘）中英文版分別由鄭中基（右）及Ryan Reynolds（左）聲演，中佬扮萌講「Pika Pika」，叫人期待！
變成CG的比卡超依舊軟綿綿毛茸茸，同本尊一樣咁可愛。
  • 變成CG的比卡超依舊軟綿綿毛茸茸，同本尊一樣咁可愛。
CG版的噴火龍、甲賀忍蛙、波波球、嘟嘟利（左至右），大家覺得似唔似動畫版呢？
  • CG版的噴火龍、甲賀忍蛙、波波球、嘟嘟利（左至右），大家覺得似唔似動畫版呢？
男女主角Tim及Lucy分別由Justice Smith（右）及Kathryn Newton（左）飾演。
  • 男女主角Tim及Lucy分別由Justice Smith（右）及Kathryn Newton（左）飾演。
主人翁比卡超咖啡成癮，相信入場可看到佢更多生活習慣。
  • 主人翁比卡超咖啡成癮，相信入場可看到佢更多生活習慣。
預告片中有「超夢」登場，據知還有海量小精靈，記得溫定書入場！
  • 預告片中有「超夢」登場，據知還有海量小精靈，記得溫定書入場！

尋找他爸的故事

動畫故事主要圍繞一班精靈訓練員展開，今次電影卻改編自2016年的3DS遊戲《Great Detective Pikachu》，講述神探Harry Goodman失蹤，其兒子Tim決心查出真相，由於只有他才能聽懂父親的助手比卡超說話，於是展開一段「尋找他爸的故事」。聽落橋段有點老套，但橋唔怕舊最緊要受，有影評人指電影集友情、家庭、懸疑及黑色幽默於一身，大人細路都啱睇。視覺效果則由曾製作《銀河守護隊2》的Framestore主理，一眾小精靈如比卡超、傻鴨、甲賀忍蛙、噴火龍、波波球、奇異種子等都維肖維妙，預告片更見到幻之小精靈「超夢」登場，童年回憶返晒嚟！

Ryan Reynolds以表情捕捉技術來演繹，因此比卡超可做出多個抵死表情。
  • Ryan Reynolds以表情捕捉技術來演繹，因此比卡超可做出多個抵死表情。
《Great Detective Pikachu》是2016年發行的3DS數碼版遊戲，玩家要用比卡超偵破各種懸疑事件，其後更於2018年推出全球實體版。
  • 《Great Detective Pikachu》是2016年發行的3DS數碼版遊戲，玩家要用比卡超偵破各種懸疑事件，其後更於2018年推出全球實體版。

撰文：陳志滔