太座雌威冇吃虧

農曆新年是旅遊旺季，編者就有朋友A一家出外自駕遊，他們一返來就眉飛色舞，大讚好玩夾好彩加好彩！好玩就成日聽，雙重Lucky真係要聽聽啦！朋友A原本計劃行程是──日本，但因為太座發雌威反對又去，而改為去新西蘭，眾所周知日本近月暴雪成災，廣泛地區皆受影響，北部毋須多講最嚴重，今次可謂逃過一劫！

另一好彩就是租車，朋友A原本選擇駕駛越野四驅車，怎料太座又「獅吼」反對，拒絕震到「甩肺」，最終改駕較舒適的SUV。旅程中途，他們「重遇」那輛四驅車──正在「拋錨」！至於改駕的那部SUV全程順風順水，載物量多兼十分慳油，認真好彩。

朋友A最初對事事未能如意感到不悅，如今反而慶幸有賢內助的寶貴意見，其實一家人旅遊，最緊要有商有量，互相扶持，自然玩得開心。

講到SUV，勢頭銳不可當，今期有本報記者遠赴意大利實測Audi Q3，還有Ford Explorer的介紹，此外，Toyota跑車Supra重出江湖，也是必睇的內容。

朱志華