揀啱東西北 財「緣」萬事吉

把握吉時強勢出遊

開車「兜個圈」行番個大運，是不少朋友新年間的節目。不論你相信與否，過年一家大細出外遊車河，放下平日緊張繁忙的生活節奏，到郊外或海邊「拍拍照、打打卡」，享受這種「慢活」農曆新年假期也不錯！出發前，一於先請林炳南師傅指點迷津，好運就即時埋位啦！「今日大年初三，全日有多個吉時，當中包括了丑時、辰時、午時同未時，對於不同生肖同從事不同行業的朋友而言，亦有多個方位可加強運勢，當中包括了東、西、北及西北方，大家可以按不同需要，走一轉為自己加強運勢。」林師傅提供的4大時辰分別為丑時（凌晨1:00至3:00）、辰時（早上7:00~9:00）、午時（早上11:00~下午1:00）及未時（下午1:00~3:00），由於丑時是三更半夜，而辰時又好多人未瞓醒，所以可趁早上11:00至下午3:00這段長吉時出發。

肖豬 西北行全年大吉

今年是豬年，肖豬的朋友當然是主角，林師傅指出，今年有多個方位對肖豬人士都非常有利，如果是假日車主（Sunday Driver），路面駕駛經驗不足亦不要緊，選擇一個合適自己的吉時向西北方出發行個大運，有助增加全年的安全指數，順境大吉；在香港，西北方是屯門、元朗一帶，這兩區在農曆新年期間亦分外有氣氛，特別是位於元朗的屏山，勢吸引不少遊客參觀歷史景點如屏山文物徑，而且附近設有人氣茶餐廳。林師傅亦稱，屬豬的朋友希望事業順境，打工仔希望可以步步高陞，一年加幾次人工，可再向東行多個大運！

無論是豬仔或豬女，安全駕駛最重要，西北方對安全駕駛有幫助。	今日大年初三赤口，傳統都不會拜年，不妨開車往不同方位行大運祈求全年順境。	營商人士要增加財運要把握中宮位，向東出發可令事業走強。
肖豬朋友今年的大利顏色是紅色，換車不妨考慮。	車廂布局美觀，駕着四處遊玩，心情也特別暢快。	坐在GLA 250桶形座椅，開車往各方行駛都非常舒適。

GLA 250型格又動感，仲有個大尾箱非常實用。

林師傅稱，肖豬朋友向西北方行大運，可事事順境。

搵食車 西行利人緣

對於揸搵食車的朋友而言，最重要是行車安全，日常開工遵守交通法例同多加忍讓，自然就會減少發生不愉快事件，若果在路上經常發生事故，怎麼辦？一就係放棄個牌唔好再駕駛，二係參考林師傅講，開車向西方行個大運。從市區沿屯門公路行個大圈，今年駕車搵食就萬事大吉！哪桃花運呢？其實桃花運亦象徵人緣，開車搵食人緣好，無論係揸的士或貨Van，同客人關係好自然有「Order返」！林師傅話今日開車向西面走同樣可以增加桃花運，但係話時話，桃花運增人緣，都要各大司機開車時開開心心，同個客講多句多謝，提升服務質素，增加人緣可以事半功倍。

進入屯門公路往元朗西北方向走，增安全又利財運。

到達元朗，當中多個歷史建築如鄧氏宗祠都是熱門景點。

北行旺文昌 讀書更醒神

農曆新年期間，很多父母都會帶子女到祠廟祈福，祈求學業進步、身體健康、快高長大，一家大細就合晒遊車河。林師傅稱，今年文昌位位於北面，北面是大埔、粉嶺及上水一帶，如果咁啱家住北區，咁就要過一過關向祖國出發啦！向北行有利催旺文昌，加強小朋友升學考試攞高分。

自從踏入冬季，天氣雖不太冷，但流感傳播就非常強勁，所以健康相當重要，林師傅指，健康位就在中宮，開車行大運謹記多停泊在兩車中間，有利中宮即是帶來更佳的健康運，不過從另一個角度看，拜年握手接觸人的機會特別多，要記得勤洗手，唔好做細菌幕後黑手，同樣可以增加健康運。

作為父母希望小朋友在新一年學業進步，向北方走可加強文昌運。	東遊有助事業運，往將軍澳或觀塘方向最啱。	在觀塘海濱公園遠眺維港，可令眼光視野更廣闊。

東方最強 事業勁旺

做生意營商朋友對於新一年的事業、財位當然很重視，去年開始中美貿易戰，跟住邊個邊個經濟界權威人士預測今年經濟環境又怎樣，令不少中小企憂心忡忡。要加強財運，中宮就是最佳選擇，林師傅指中宮就是本身的位置，在停車場找一個兩車中間位來停泊，催一催今年的財運就可以財源滾滾來！事業運其實就在東方，睇《東方日報》及《on.cc東網》當然係至醒目選擇，但同時向東方行大運就旺上加旺，香港以東就係觀塘同將軍澳一帶，由於過年期間將軍澳多數塞車，所以建議往觀塘海濱道海濱公園，這地方比較少人，在海邊遠眺維多利亞港景色，眼光視野變得更遠更遼闊，做生意的成功機會自然大增。

撰文：林健森
攝影：張錦昌、蔡浩文
鳴謝：玄學家林炳南師傅
汽車提供：Mercedes-Benz
查詢電話：2895 7339（仁孚行）