豬事大吉：明哲保「豬」娘家有面
豬，自古以來，每個女生都要養「一隻」，如果與男性「相好」後，就叫做「畀人食咗隻豬」或者「失豬」，這種講法原來是與傳統習俗有關。
「畀人食咗隻豬」及「失豬」是非常廣東話，據聞同廣東習俗有關。昔日女家讓女兒出嫁，會在第三天回娘家，亦即係「三朝回門」，如果男家連同一隻完整燒豬送去，娘家會好開心，即是新郎確定了新娘出嫁前是玉潔冰清的處女，但係如果沒有送……，娘家沒有燒豬分給親朋好友，會是非常沒面子的事情。因為這隻消失了的豬，所以便將女性第一次失身，稱為「畀人食咗隻豬」或者「失豬」了。
撰文：朱志華