Miro P1睇波神器靚聲「炮」轟

近來個個都忙住睇波，可惜很多人家中只有一部電視，雖則依家用手機都睇到波，但聲畫質素冇乜保證。Zbinno新一代流動影院Miro P1，將5.5吋靚芒與重低音炮結合，配以Android智能系統，在房間或拎出街睇波，視聽享受唔會輸畀大電視。

5.5吋720p屏幕

Miro P1外形似足市面的圓柱形長炮喇叭，表面經過金屬噴沙處理，耐磨防花，備有金、銀、灰3色選擇；而且長度只有272mm，可整個放入背包帶出街睇波。中央的屏幕旁邊特設電源、主頁、音量及返回等實體按鍵，在觸屏及遙控器外提供多一個操作方法。說到觸屏，它內置5.5吋720p屏幕，色彩飽和度達92%。實試用來睇球賽，畫面穩定沒有殘影問題。小記更欣賞是屏幕光得來不刺眼，還可調校亮度，連睇足幾場賽事都唔怕雙眼疲勞。而它支援H.264、H.265等高清硬體解碼，可直讀MP4、MOV、ASF等20多種視頻格式，兼容性一流。

左右對稱式52mm單元喇叭，使聲音從兩邊平均輸出來提升包圍感。

屏幕旁設有主頁、音量及返回等實體鍵。

喇叭低音強勁

既然擁有喇叭外形，音色自然有番咁上下，內置對稱式52mm雙單元及50×90mm跑道型振膜低音單元，總輸出功率達20W。在五頻調音技術幫助下，聲音平衡度高，環迴感強勁，睇波時能感受到場內球迷的呼喊聲。而且預載Android 5.1智能系統，Play商店操作猶如手機一樣，讓各位安心「單撈」程式和安裝APK檔案。惟礙於用的是效能一般的Cortex-A7處理器，多工處理難免遲滯，想打機玩Apps的用家要有心理準備了。

機背設有USB 2.0介面，可變身「尿袋」為其他裝置充電。	備有同色遙控器，可用來撥頁和玩Apps。	用上自家製XMUI介面，大圖示操作夠清晰。
Play商店的操作猶如手機一樣，方便各位下載程式。	可透過Wi-Fi串流睇波，同時支援藍牙連接耳機。	試片區：播放足球畫面穩定，沒有拖尾或殘影等問題，而且5.5吋屏幕夠光不刺眼。