飲料入饌 「非一般」寶島滋味

民宿料理 風味地道

識得住，去台灣旅行梗係住民宿，歐陸式城堡、森林系親子樂園等風格各有個性，讓大家有機會在遠離塵囂的美景中享受恬靜假期，除此之外，民宿所提供的農莊美食也別具特色，雖然奢華欠奉，但由於採用當地盛產的時令食材炮製，往往會有意想不到的驚喜。早前鑽石山有商場邀請了10間台灣民宿來港分享美食，其中4家民宿更舉辦了農莊烘焙教室，分享台式小食的製法。錯過了亦毋須失望，因為來自嘉義縣的龍雲農場與豐碩果園就獨家為大家示範了杏仁瓦片與番茄醋蒟蒻果凍的做法，不用排長龍，只需30分鐘就有得食。

人氣手信 香脆薄片

你知道口感脆卜卜而又用到杏仁製作的台灣手信是甚麼嗎？除了杏仁豬肉脆薄片之外，還有杏仁瓦片這款甜食，是不少人遊台必入手信，之不過價錢一向不便宜，加上一包得幾塊更是到喉唔到肺。不如學識自己做，以後就隨時有得食啦！

材料

蛋白 1個；杏仁片 50克；沙糖 25克；無鹽牛油 16克；低筋麵粉 15克；烏龍茶粉 1克

做法

1. 將茶葉粉與低筋麵粉拌勻，過篩備用。

2. 混合蛋白與沙糖，然後加入烏龍茶麵粉攪拌。

3. 混合熱溶牛油，放入杏仁片攪拌。

4. 放置10分鐘後逐少平鋪於焗盤上，用叉子慢慢推開，放入160℃焗爐約15分鐘即成。

烏龍茶杏仁瓦片做法1.

烏龍茶杏仁瓦片做法2.

烏龍茶杏仁瓦片做法3.	烏龍茶杏仁瓦片做法4.	只要跟着當地人的步驟製作，要食新鮮出爐的杏仁瓦片話咁易。

酸甜果醋 健康開胃

台式飲品又怎會只得珍珠奶茶？講到口味百變與生津解渴，果醋甚至更勝一籌。原來稀釋後的果醋不但可以用來沖飲品，當沙律醬汁或製作果凍都同樣滋味無窮。番茄醋蒟蒻果凍不但味道酸甜醒胃，而且營養豐富，比用人工色素及香料所做的啫喱有益得多，放心讓小朋友食多兩杯。

材料

清水 600毫升；番茄果醋 200毫升；沙糖 80克；蒟蒻果凍粉 40克；雜果 適量

做法

1. 煮滾清水後加入蒟蒻果凍粉，然後放沙糖。

2. 加番茄果醋後，用慢火煮至沸騰立即熄火。

3. 倒入器皿再加雜果，雪凍即可享用。

番茄醋蒟蒻果凍：果凍其實就是啫喱，不過啫喱通常用魚膠粉所做，而果凍則用經過加工的果凍粉製作，兩者口感分別不大，混合了番茄醋則帶來台灣風味。

番茄醋蒟蒻果凍做法1.

番茄醋蒟蒻果凍做法2.	番茄醋蒟蒻果凍做法3.	果醋一定要稀釋才可食用，怕酸可增加清水分量，民宿工作人員推介使用不同口味的果醋增添驚喜。

撰文：楊雅菁

攝影：蔡浩文