高手教路！「食雞」4大法寶

飛智Wee 2 出街屋企兩玩

相比PC版「食雞」，手遊版最大賣點係可以帶出街玩，飛智Wee 2採用伸縮手柄設計，插入手機後可搖身一變成手提遊戲機。另一特點是跟機附有一個轉換器，畀你接駁滑鼠和鍵盤。雞神暉表示：「我鍾意佢夠輕身，適合隨身攜帶，操控流暢冇Delay，喺屋企玩時可連接Keyboard和Mouse，做到一個手掣兩種玩法。」

Zeta店長小丁（左）和店員雞神暉（右），幾乎晚晚都組隊「食雞」。	《PUBG Mobile》獲勝後會彈出「大吉大利，今晚吃雞」或「贏咗有雞食」等語句，故稱之為「食雞」。	飛智Wee 2用上伸縮手柄設計，使用時可在中間插入手機。 售價：$398
跟機附送一個轉換器，主要用來接駁滑鼠和鍵盤。	手掣可因應不同遊戲和玩家使用習慣，設置每個按鍵的功能。

Handjoy K-1 精準射擊神器

如各位習慣使用滑鼠和鍵盤打機，Handjoy K-1鍵盤就啱晒，它可經藍牙配對手機或平板電腦，另可插上家用滑鼠。小丁解釋：「利用Handjoy K-1玩《PUBG Mobile》的感覺，跟PC版冇乜分別，加上使用滑鼠瞄準和射擊，有效提升精準度，手感比用手掣更加好，『食雞』容易得多。」

Handjoy K-1專為電競而設計，採用茶軸按鍵，惟只有半個鍵盤Size。 售價：$599

配合平板和插上滑鼠，操作反應和準繩度大大提升。

GameSir T1s 高性價比手掣

用得手遊配件，操控感相當重要，GameSir T1s的外形似足家用機手掣，手感一流，加上二百幾元有交易，性價比不俗。小丁指：「GameSir T1s的手感、操控性和反應都算平均，支援Android、iOS、Windows等平台，可玩到大部分電競遊戲。如果單係玩『食雞』的話，建議初學者使用。」

八爪魚APEX 體感壓槍效果

「食雞」最忌反應慢，全新八爪魚APEX手掣加入大量按鍵，畀你第一時間按下作出反應，而且背部射擊鍵可按使用習慣調校深淺程度，最特別係支援體感操作。雞神暉表示：「體感操作時只要移動手部便能調整方向，咁就能瞄準想射擊嘅目標，尤其是好多槍種連發時會向上飄，呢個時候只要以體感操作微微向下壓，便能夠做到不俗的壓槍效果。」

八爪魚APEX手掣內置體感操作，尤其是瞄準和壓槍效果相當好用。 售價：$538（不連手機）

手掣的按鍵特多，連背面都有多個按鍵配置，用盡每一隻手指操作。

撰文：黎子豪

攝影：張群生

查詢電話：2688 5366