Tiny Arcade掌上街機玩食鬼

資深機迷應該還記得當年流連機舖的日子，想重溫經典的話，不妨留意Super Impulse推出的Tiny Arcade迷你復刻街機。它移植了由Namco出品的招牌作，提供1979年《Galaxian小蜜蜂》、1980年《PAC-MAN食鬼》和1981年《Ms. PAC-MAN食鬼小姐》3款選擇，由內到外還原當年街機模樣。
Tiny Arcade迷你復刻街機只有掌心咁細，各售$199.9。
Tiny Arcade迷你復刻街機只有掌心咁細，各售$199.9。

鎖匙圈方便攜帶

話晒係攞正版權出品的復刻街機，3款迷你街機的外觀跟足當年設計，貼滿裝飾圖案，而4×2吋塑膠黑色機身，內裏備有紅色搖桿連A/B按鍵，配以1.5吋彩色屏幕，能清晰顯示16色和8-bit畫面。它以3枚AAA電池驅動，啟動機背開關即可遊玩，有趣的是頂端還加入鎖匙圈，用來當作掛飾也未嘗不可。

外觀的裝飾圖案貼紙，跟足當年街機設計。
  • 外觀的裝飾圖案貼紙，跟足當年街機設計。
試玩《Galaxian小蜜蜂》，迷你搖桿的反應尚算靈敏。
  • 試玩《Galaxian小蜜蜂》，迷你搖桿的反應尚算靈敏。
以3枚AAA電池驅動，頂端還備有鎖匙圈。
  • 以3枚AAA電池驅動，頂端還備有鎖匙圈。

操作反應不俗

小記實際試玩時，發覺《PAC-MAN食鬼》和《Ms. PAC-MAN食鬼小姐》無論關卡和音效都跟足當年設計，由於機底設有喇叭，聲效都幾響亮。至於《Galaxian小蜜蜂》的射擊玩法也如實呈現，搖桿和按鍵唔算難撳，一拉一推反應靈敏。最感動的是啟動遊戲時，機頂橫額仲有燈效，以$200有找的價錢，買番童年回憶相當超值。

底部設有喇叭，打機聲效都幾響亮。
  • 底部設有喇叭，打機聲效都幾響亮。
迷你紅色搖桿和A/B按鍵，拍埋$2硬幣就知有幾細。
  • 迷你紅色搖桿和A/B按鍵，拍埋$2硬幣就知有幾細。

撰文：廖俊斌　

攝影：莫文俊　

查詢電話：2433 1828