腰封Corset Belt 顯瘦必備

無恒心減肥做運動，又心思思想學人有條纖腰，今季大熱的腰封Corset Belt，令你大條道理坐定定偷懶，又唔使刻意着衫「左遮右遮」，一戴極速顯瘦，自信心當堂返晒嚟。腰封Corset Belt由14世紀歐洲宮廷流行的束衣（Corset）演變而來，當時的女性為求有沙漏形身段，直頭搏到盡，個個自願束到冇氣抖。
着中性軍褸，又想凸顯女人味，有冇諗過用Corset Belt幫你搵番條腰？
着中性軍褸，又想凸顯女人味，有冇諗過用Corset Belt幫你搵番條腰？

到2017年，天性愛美的時裝人又何嘗不是追求完美曲線，聰明的設計師於是把束衣（Corset）變成時裝版本的腰封Corset Belt，運用皮革、彈性橡筋或棉質布料組成中間綴有排扣的束帶，鬆緊任你調校，簡簡單單束在腰間，視覺上收腹又托胸，掂！

有身材的女神好易做，一條連身裙加一條Corset Belt就得。
  • 有身材的女神好易做，一條連身裙加一條Corset Belt就得。

今季，買定一條黑色Corset Belt，隨時Show你的纖腰啦！
  • 今季，買定一條黑色Corset Belt，隨時Show你的纖腰啦！
束起Corset Belt，即使本身腰線位唔出，都會變出一條纖腰。
  • 束起Corset Belt，即使本身腰線位唔出，都會變出一條纖腰。
Corset Belt能做到收腹托胸的作用。
  • Corset Belt能做到收腹托胸的作用。

撰文：黃秀敏