Off-White×IKEA聯乘地氈曝光

人氣時裝品牌Off-White同瑞典家具品牌IKEA聯名合作其實早有所聞，網上亦已經有Off-White主理人Virgil Abloh設計出印有「SCULPTURE」字樣嘅FRAKTA Bag照片流出，但多月來一直只聞樓梯響。到近日呢個話題性十足的「時裝×家品」聯名合作漸見眉目，因為IKEA及Virgil Abloh分別於社交平台Post新相，照片中見到IKEA創意領導Henrik Most同Virgil Abloh一齊企喺一塊印有「KEEP OFF」字樣的腰果花紋地氈前面疑似商討設計，相信設計已經進入「大直路」，而同時Virgil Abloh亦用上同一塊地氈做背景影住印有自己個名嘅IKEA員工證，用照片繼續為呢個聯名熱話升溫。
地氈正中位置印有「KEEP OFF」字樣之外，地氈右下角亦印有Off-White c/o Virgil Abloh及「Flooring」字樣。
地氈正中位置印有「KEEP OFF」字樣之外，地氈右下角亦印有Off-White c/o Virgil Abloh及「Flooring」字樣。

Instagram@ikeatoday、@virgilabloh、@kajsa_nilsson

IKEA創意領導Henrik Most（左）同Off-White主理人Virgil Abloh（右）疑似為地氈商討設計。
  • IKEA創意領導Henrik Most（左）同Off-White主理人Virgil Abloh（右）疑似為地氈商討設計。
Virgil Abloh用同一塊地氈做背景影住印有自己個名嘅IKEA員工證。
  • Virgil Abloh用同一塊地氈做背景影住印有自己個名嘅IKEA員工證。
印有「SCULPTURE」字樣嘅FRAKTA Bag設計相信亦快將正式投產，因為Virgil Abloh手上嗰個所用嘅物料同地下Prototype所用的類似卡紙物料明顯不同。
  • 印有「SCULPTURE」字樣嘅FRAKTA Bag設計相信亦快將正式投產，因為Virgil Abloh手上嗰個所用嘅物料同地下Prototype所用的類似卡紙物料明顯不同。

雞仔雲蛋機　限量5,000部

日本人的創意構思向來天馬行空，搞搞新意思之餘，部分創意產品亦相當實用，好像是TAKARA TOMY創製的雲蛋機，只要將雞蛋放入迷你機器內就會將蛋黃及蛋白分離，及自動攪動，炮製出與別不同的雞蛋料理。品牌最近又有新搞作，與日清雞仔麵合作，以嘜頭雞仔為設計藍本，推出限量5,000部的雞仔雲蛋機，炮製「究極のTKG」（TKG指生雞蛋拌飯），只要在11月1日起至明年1月31日期間，選購品牌指定的商品，即有機會可以免費獲贈，數量有限，送完即止。

網址：http://bit.ly/2yp1op8

雲蛋機可以將蛋黃及蛋白分離，炮製出美的雲蛋。
  • 雲蛋機可以將蛋黃及蛋白分離，炮製出美的雲蛋。
特別版的雞仔麵雲蛋機只限量5,000部。
  • 特別版的雞仔麵雲蛋機只限量5,000部。
免電池駁線兼防水，X-Base LED套裝簡直是模友恩物。
  • 免電池駁線兼防水，X-Base LED套裝簡直是模友恩物。

免駁線兼防水　X-Base免電池LED

砌模型玩到一個地步就會想試買補品改裝，其中一項模友最關注的是加入LED燈效，令到成品更閃閃生輝。可惜加燈需要一定電子知識，電路板繞線、接駁、電阻等確實難到不少玩家。早前日本初創企業「Computer工房AKIBA START UP」有一隊名為X-Base Project Team為此設計了一款名為X-Base免電池接駁LED，透過專屬展示台內含高性能無線供電技術，將LED放入模型部件中再放置在展示台，即可提供亮麗的LED燈效，而且每粒LED僅4.5mm×4.5mm，相當慳位的骰，而且防水設計浸入水中也不損功能，認真實用！現時X-Base展示台連10粒LED早鳥價為17,615日圓，模迷又怎能錯過呢？

網址：http://bit.ly/2imI71q

超萌貓肉球　東京JR限定

愛貓的你，有時真係愛貓愛到想把貓兒也吃落肚，但如果真的吃得，你又想不想吃？日本地鐵JR公司，最近和站內商業設施GRANSTA合作，聯同多家食店推出一系列的貓便當和貓點心，其中最人氣的是「貓肉球便當」，每日限量20份，各位香港貓奴又得花心神跟日本貓奴爭「飯」吃了！除貓肉球（貓掌印）外，還有其他貓臉造型糕點發售，當中包括日本觀光代言貓Nyalan，牠的可愛萌臉也成為公仔和甜點，在東京車站內販售，販賣日期由即日至10月24日止，貓奴去開東京就切勿錯失機會了。

網址：http://bit.ly/2zhuZ0I

貓奴於10月24日前在東京，記得勿錯過JR跟GRANSTA合作推出的貓便當及點心。
  • 貓奴於10月24日前在東京，記得勿錯過JR跟GRANSTA合作推出的貓便當及點心。
最人氣的「貓肉球便當」每日限量20份，真係好搶手。售750日圓（約$53）
  • 最人氣的「貓肉球便當」每日限量20份，真係好搶手。售750日圓（約$53）
睇見咁有層次感嘅舊化塗裝，就知製作者一定係模型高手。
  • 睇見咁有層次感嘅舊化塗裝，就知製作者一定係模型高手。

模型「上身」　渣古手機殼

唔通人人都用手機殼，就個個都鍾意用緊嗰款咩？雖然市面上嘅手機殼款式多不勝數，有啲仲妹仔大過主人婆，Bulky過部手機，不過要搵完全合乎心意嘅，其實唔多，既然人哋嘅Design唔啱心水，不如索性自己做。

日本就有一位高達迷兼模型高手大塚康弘（Yasuhiro Ohtsuka），自製渣古手機殼，而且堪稱神作。佢嘅作品並非喺手機殼表面加上自畫嘅渣古圖像，而係將半隻渣古模型「上身」！根據佢喺社交平台上載嘅相片及解說，藝高人膽大嘅Ohtsuka San，先將FG 1/144渣古「切邊」，將前半截黏喺一個透明嘅手機殼上，跟住上色及加埋水貼。講就易，不過睇番佢嘅完成品相片，就會發現功力奇高，做到無縫之餘，仲有好重手嘅舊化塗裝，而且獨眼位用埋補品，絕對係神作級數！

Facebook@Yasuhiro Ohtsuka

陶瓷小物　精緻獨特

由細到大，小記都羨慕一些具藝術天分的人，他們隨意的一筆一畫，也能把圖像畫得栩栩如生，令人讚嘆不已。近日小記於網上發現一位俄國藝術家Alisa，也同時是位熱愛手作的女生。其作品均展現出高超細緻的技巧，乍看之下還以為是捲紙作品，實質卻是一件件易碎的陶瓷品，輕易讓人一見難忘。Alisa擅長日本陶瓷藝術風格，透過一對巧手一搓一捏，配合其獨特創意，把平凡的陶瓷幻變出一件件精巧細緻的小物。

Instagram@liskaflower

Alisa的手作技巧非常細緻，乍看下會令人誤以為是捲紙作品。
  • Alisa的手作技巧非常細緻，乍看下會令人誤以為是捲紙作品。
在製作陶瓷品之前，Alisa都會先在畫紙上起稿。
  • 在製作陶瓷品之前，Alisa都會先在畫紙上起稿。
IG@crysta1lee
  • IG@crysta1lee

S級水平　無敵S形！

小記為咗推介IG女神畀各位巴打，真係整張Check List畀自己，要樣靚、有身材、有長腿先敢出手推薦。話說有一日喺個網海游吓游吓之際，果然畀我發現令人眼前一亮嘅S級女神，今次介紹嘅Crystal倩倩（IG@crysta1lee），93年出世，嚟自深圳，小記搵到佢之前喺內地視訊網做過女主播，不過，Crystal當然係「愈嚟愈」靚啦！無論如何，Crystal除咗典型神州美人樣之外，最吸睛當然係一副S形身材，再加一條又長又白嘅美腿，簡直係不費吹灰之力，就將眼球吸晒過去。

撰文：副刊組

相片：互聯網圖片