高溫急降！手提Gadgets鬥消暑

夏天為大地帶來美腿，但到沙灘或戶外遊玩時，記得要做足消暑準備，否則天氣又熱又濕，好易中暑。今時今日隨身散熱Gadgets有好多選擇，除改良版芭蕉扇之外，市場仲有另類選擇如冰火棒、可愛造型風扇等，有啲外形同功能仲估你唔到。以下便搜羅了大堆Gadgets，助大家驅走暑氣。

今次為大家搜羅消暑Gadgets，希望各位暑假涼透心。

寧靜急凍類

傳統嘅戶外消暑方法不離手提風扇，但扇葉不停轉都幾煩，唔想嘈親其他人，可考慮流動製冷工具，極速添涼快！

二代冰火棒按摩製冷

日本J-Cube第二代冰火棒，橢圓形金屬面能極速製冷，啟動後10秒左右溫度便能達到最低5度，用家放喺面或頸背等部位能迅速透心涼，Model試過後都話比風扇涼快好多。而新一代追加了高頻震動功能，以每秒震動300次作按摩之用，同時紓緩疲勞。電量則有5,200mAh，充滿電後能夠使用4小時，僅重208g的它仲可變成尿袋替其他Gadgets充電，一物多用。

冰感值︰★★★★（以5★為滿分）

二代冰火棒有按摩功能，女士必Like。
售價︰$599（a）

內置5,200mAh電池，插入OTG轉接頭便可為手機充電。

迷你冷氣機即插即用

天氣熱辣辣，當然想開冷氣「救亡」，Evapolar可說是全球首部個人冷氣機，等大家喺戶外都可歎冷氣。機面設有LED變色燈，長闊高度俱為170mm左右，放在背囊便可帶出街使用。其製冷能力達1,200 BTU/h，約為1/6匹，能在5平方公尺範圍內將溫度降至17度；而且只要注入清水，便能達到保濕及空氣淨化作用，機背則設有microUSB插口可經尿袋驅動。

冰感值︰★★★★★

Evapolar用上方形設計，重量只有1.3kg。<br>售價︰$1,550（b）

Evapolar用上方形設計，重量只有1.3kg。
售價︰$1,550（b）

注入清水至水箱，內置的玄武岩纖維物料便能利用濕氣，達到保濕及淨化效果。

騎呢破格類

《國產凌凌漆》中的星爺，將風筒藏於皮鞋之中，外形同功能九唔搭八。新抵港的手提風扇，外形同樣估你唔到，為各位隨時散熱。

相機形風扇快門送風

表面上，佢係一部相機；實際上，佢係一個風扇。體積只有83×60×52mm，約莫半隻手掌咁細，機面有仿鏡頭、快門及閃燈熱靴位，連按鍵布局都做得似模似樣。但只要將前方鏡頭拆走，就會見到兩片扇葉，一按快門便會送出涼風。它以2枚AAA電池驅動，電池位藏於機背，設計別具心思。

冰感值︰★★

將前方鏡頭拆走，就會見到兩片扇葉，真係估你唔到！
售價︰$168（a）

有齊快門、模式轉盤及熱靴位，但除了快門是開關掣，其他都是裝飾。

掛頸雪糕球有趣吸睛

夏日炎炎，最好梗係食雪糕，呢款Sanrio掛頸雪糕球風扇雖然溶唔到喺口，但一樣咁清涼，皆因拆開雪糕球便能放入2枚AAA電池，再按動Power掣即可令兩塊扇葉轉動，帶來涼風。它有5款造型選擇，包括Hello Kitty、My Melody、布甸狗、梳乎蛋及玉桂狗，全是Sanrio人氣角色，夏天帶出街夠搶眼。

冰感值︰★★

雪糕造型有趣，連Model都忍唔住想食！
售價︰$88（a）

提供玉桂狗、梳乎蛋、My Melody、布甸狗及Hello Kitty 5款造型。

提供玉桂狗、梳乎蛋、My Melody、布甸狗及Hello Kitty 5款造型。

變種風扇類

流動消暑產品大多用上手提式設計，拎得耐都咪話唔攰，所以唔少風扇加入變形元素，摺得埋又座到枱。

手柄新芭蕉摺疊座枱

芭蕉扇大家應該不會陌生，今年廠商追加F9型號，在風罩下方加設手柄，不但外形更似古裝芭蕉扇；手柄更可向後翻，以便完全摺起來或呈90度固定，收藏或座枱使用均可。一如其他芭蕉扇，它備有4片扇葉及三段變速功能，最小風力下可使用8小時。

冰感值︰★★★

F9芭蕉扇加設手柄，並保留開關、變速及風速顯示燈。
售價︰$55（c）

新芭蕉扇輸出功率有4.5W，而且手柄摺得埋，方便收藏。

三色iFan 二段變身

齋睇外形，Momax iFan同一般風扇冇乜分別，備有藍、黃、黑三色選擇，並以4片扇葉提供4W輸出，風力不俗。其最大特色是支援二段變身，既可拆走手柄充當便攜風扇，又能座枱使用，而且手柄支援180度轉動或120度前後調校角度，配合下方吸盤，可吸實餐桌、廚房等表面。另內置2,500mAh電池可以幫手機等Gadgets充電，以備不時之需。

冰感值︰★★★