汪星人潮做瑜伽

誰說生兒育女，就要放棄飼養毛孩？現實有不少小朋友與寵物能和平共處，甚至成為「Good Brother」。3年前，居於美國俄勒岡州的Swiridoff夫婦，飼養了Reagan這隻拉布拉多德利犬（Labradoodle）。Reagan一身鬆散毛髮，兼且表情傻氣，這對愛好攝影的夫婦怎會放過牠？不時為牠換上各式各樣的人類衣服，拍下一張又一張搞笑造型的相片。Reagan亦是Swiridoff夫婦乖孫的玩伴，他們從小便認識，關係猶如一對「小兄弟」，一同玩樂、睡覺、運動等，有時Reagan更充當「保母」，負責餵BB進食等任務。未知是否被長時間以人性化相待，汪星人也潛移默化變得很「人類」，喜歡站立，甚至做瑜伽呢！
Reagan的舉動相當人性化，瑜伽亦做得有板有眼。
Reagan的舉動相當人性化，瑜伽亦做得有板有眼。

Instagram@reagandoodle

Reagan（左一）充當「保母」負責看守家庭的小成員，心裏有否唸唸有詞：「你地要乖啲」？
  • Reagan（左一）充當「保母」負責看守家庭的小成員，心裏有否唸唸有詞：「你地要乖啲」？
Reagan不想浪費如此燦爛的陽光，一於站立起來，跟Swiridoff夫婦的乖孫大曬特曬。
  • Reagan不想浪費如此燦爛的陽光，一於站立起來，跟Swiridoff夫婦的乖孫大曬特曬。

17年冇剪髮　真人版長髮公主

唔少男生都鍾情長髮女生，但長度通常是過膊或到心口，長到腰已經好誇張，如果長及膝你又點睇？是嚇人還是迷人呢？今年28歲的英國媽媽Lianne Robinson就擁有一頭長及膝的金髮，早前她一條在IG散開秀髮的影片就吸引了3萬多人觀看，都咪話唔厲害！

Lianne自從11歲起就冇剪過頭髮，17年後就長至及膝，最難得的是她沒有特別去打理，但依然非常柔順，在影片中她散開秀髮的一刻真是靚到好似瀑布。現在Lianne一年會修剪頭髮兩次，亦唔怕麻煩每天洗頭，但一Set洗頭水和護髮素一個禮拜就用完。唔單止老公鍾意她的長髮，連小朋友都很喜歡她，以為她是童話中的長髮公主。因為美麗的長髮，她已成為網上紅人，粉絲多達12萬，女生們又有冇興趣學Lianne留一頭長髮來吸吓粉絲呢？

Instagram@lianne22

這就是她17年冇剪過髮的成果，長到及膝都可以咁柔順，真是難得。
  • 這就是她17年冇剪過髮的成果，長到及膝都可以咁柔順，真是難得。
唔單止擁有一把靚秀髮，Lianne樣子亦好甜美，難怪小朋友都以為她是童話中的長髮公主。
  • 唔單止擁有一把靚秀髮，Lianne樣子亦好甜美，難怪小朋友都以為她是童話中的長髮公主。

手機睇穿牆　裝修必備

裝修時最怕師傅鑽爛或整爆牆內的水管或電線，以往裝修師傅會靠金屬探測器預測牆內水管、電線位置，日後靠Walabot就得！咩嚟？係由以色列公司設計的3D影像感應器，只須連接手機，配合專用App就可以使用。用家簡單將感應器連同手機掃過牆身，即能感應到金屬喉管、塑膠喉管、電線、釘子等物件的位置、形態及深度。由於內置熱能感應，配合手機畫面便能同步顯示物件的形態及位置，預測喉管位置自然更輕鬆。Walabot官網現時推出限時特價，可惜暫時只在美國、歐洲、英國及加拿大等指定地區供應。

https://walabot.com

Walabot只支援Android裝置，iPhone用家暫時用唔到。
  • Walabot只支援Android裝置，iPhone用家暫時用唔到。
手機會同步顯示牆內喉管的形狀、位置等資訊。
  • 手機會同步顯示牆內喉管的形狀、位置等資訊。

親子Cosplay　日本美術館做搞手

日本興玩Cosplay（角色扮演），除了一眾動漫及電玩的人氣角色之外，今時今日連名畫中的人物都唔放過！位於德島縣鳴門市的大塚國際美術館將於7月21日至9月30日期間舉行Art Cosplay Fest，此活動有趣之處是讓大家穿上古代至現代名畫中登場人物的服裝。該活動網羅了15幅古今作品，包括了17世紀巴洛克時期的荷蘭畫家楊．維梅爾作品《戴珍珠耳環的少女》、奧地利象徵主義畫家古斯塔夫．克林姆的代表畫作《吻》等，並準備了35套小童及大人的服裝，適合一家人來一次親子Cosplay。

館內備有小朋友Size的服裝，來個親子Cosplay亦無難度。
  • 館內備有小朋友Size的服裝，來個親子Cosplay亦無難度。

http://o-museum.or.jp

LEGO湊熱鬧　出手指陀螺DIY

呢期最熱、最有減壓作用嘅辦公室小法寶，唔係賣萌、賣Cute嘅杯緣子或者卡通角色扭蛋，而係手指陀螺（Fidget Spinner）。現時坊間嘅手指陀螺，款式眾多，各有各賣點，小編唔喺度長氣介紹了，反而有冇諗過，手指陀螺都可以DIY？其實唔少LEGO達人，都有自家嘅DIY版本，最近LEGO官方都終於出手，不過唔係推出手指陀螺Boxset，而係設計咗兩款DIY說明書，畀粉絲跟圖照砌，兩種方法都只需7個Steps，而且所需組件唔多，只係19至23件，組件款式亦係大路之選，玩家可以到官方專營店或其配件店「照單執藥」即可。除了兩張官方圖解，YouTube亦有唔少短片，由各路達人拍片介紹手指陀螺DIY，睇完包你想試！

用LEGO砌手指陀螺，唔只有官方版本，亦有唔少LEGO達人喺網上發表嘅自家創作。
  • 用LEGO砌手指陀螺，唔只有官方版本，亦有唔少LEGO達人喺網上發表嘅自家創作。

youtube:http://bit.ly/2eygvi4

蛋盒焗肉丸　大鬧廚房

Alton Brown，這名字大家未必耳熟能詳，或者住喺美國又鍾意睇煮食節目的人會熟悉一點，事關他出過烹飪書、製作了不少飲食片段及擔任多個烹飪節目主持及嘉賓，好似Good Eats、Iron Chef America、The Next Iron Chef等。他亦愛在網上分享其獨特烹調方法及食譜，像曾經示範的炭燒豬頸肉，就將原條醃好的豬頸肉放在炭上燒（無用網或烤架，肉貼住炭來燒那種）。他最近又有新猶，就是用盛載雞蛋的紙盒烘焗肉丸，話方便又唔怕油膩，事實如何，不得而知，肯定的是，阿媽一定唔畀放入佢個焗爐囉！

他自稱是炮製肉食專家，最近發明用蛋盒焗肉丸，話方便少油又減油膩，事實如何，不得而知。
  • 他自稱是炮製肉食專家，最近發明用蛋盒焗肉丸，話方便少油又減油膩，事實如何，不得而知。

facebook@altonbrown

  • 放大圖片

復旦甜心孖女 哈佛最美碩士生

世界係唔公平嘅，但係對於以下呢對孖生姊妹嚟講上天就好公平，因為佢地唔止Share近99.9%相似的美貌，仲同樣才華洋溢，是無所匹敵的學霸No.1及No.2！孖生姊妹名字就係孫雨朦（IG@kriseraph）和孫雨彤（IG@larayutong）。兩姐妹上年剛從復旦大學畢業，竟然雙雙以優秀成績考入哈佛大學碩士課程，睇嚟不但家境富有，家教都十分優良。雨朦同雨彤外表清純亮麗，烏黑長髮加上秀靈大眼，只化淡妝，令人感覺親切唔會高不可攀。有機會去哈佛校園的話，如果見到兩個一模一樣嘅美女都唔使驚，就係佢哋喇！

撰文：副刊組

相片：互聯網圖片