Smart Speaker 跑友隨身聽

跑友喜歡邊跑步邊聽歌，又嫌耳機戴得唔舒服的話，Tokk Smart Speaker運動型迷你喇叭就啱晒各位，其機身僅重27g左右，內有磁力能夾於衣服或衫領上，點跑點跳都不易掉落。用家只需將它經藍牙4.0與手機連接便可輸出音樂，人聲表現不俗，接收範圍達10米；惟調校至最大聲時有點拆，唔想騷擾人建議調細音量啦！操控方面，長撳機面可暫停或接聽來電，機側另有按鍵以調校音量，而充電1小時便可連續播放4小時，帶去長跑都掂！