玩轉大阪Water Park 7月熱辣登場
踏入夏天，水上樂園成為網上一大熱門搜索Keywords，其中於7月15日至8月31日在大阪城公園內舉行的「大阪城Water Park by Huis Ten Bosch，更成了日本網民大注目。話說該公園於上年引入位於長崎縣佐世保市豪斯登堡主題公園（Huis Ten Bosch）的「水之王國」項目並大受歡迎，今年再接再厲，並加入了新的設施，例如有離地10米高的Boomerang Slider，滑水梯一如其名，玩家經歷了高速俯衝後，會滑上一個大斜坡才U-Turn滑進水池，一次過感受急落急上的滋味！另外，上年大受歡迎、讓你可以坐住水泡在120米的滑水道漫漫滑行的Long Slider，今年則會升呢加入LED元素，而且更容許大家帶上自拍神棍玩自拍，啱晒用嚟擺上網呃Like。此外，還有放置了5萬個綵球、配合最新立體投影效果及DJ打碟贈興的Night Pool，及於離地10米高處滑下並讓你整個人跳起來的Jumping Slider等設施，讓喜歡戲水的朋友過足癮。
網址：www.owp.jp/osaka
Craig Green愛異形
近日《異形：聖約》在全球大收旺場，連奄尖腥悶的時裝人都一致叫好，點解那些平時十指不沾陽春水的娘娘腔時裝精會忽然愛上這些個個都死無全屍咁滯嘅血腥電影呢？答案當然唔係異形本身，而是戲中一眾人類（包括機械人David）的戲服。原來電影找來時裝設計師Craig Green出馬，與導演Ridley Scott嘅御用Costume Designer Janty Yates合作，為戲中人物設計出一系列特定服飾，實行為血腥電影帶來意想不到的潮味。Craig Green服裝向來推崇工業風簡潔美學，與背景設定於2104年的電影確是不謀而合地Match，平時喺銅鑼灣見到有人着都會泛起那些扮晒嘢、九唔搭八之感，在電影裏卻零違和感。所以話，Craig Green係着喺太空船度而唔係着喺百德新街囉！
網址：http://bit.ly/2pIPt23
漢堡包VS炸雞從未如此有型過
但凡知名嘅快餐品牌，都有深入民心嘅品牌Icon，例如「麥當奴叔叔」與「山德士上校」；一個灰諧、一個慈祥，有否想過他們都有型英帥靚正的一面？話說日本有一個御宅族，最近於其面書Tokyo Otaku Mode上載了5張插畫，以時下流行的5個快餐店或飲品連鎖店品牌為二次創作題材，將其品牌Icon變身成型男型女，例如麥記叔叔與炸雞伯伯，變成小鮮肉與型佬，而「B記」帝皇人如其名，以豪氣的歐洲君王形象示人，至於同屬少女系的「溫蒂」和「星記」，一個純情、一個時髦。如果在現實生活中，以上品牌都有這型格店員作生招牌，你又會幫襯哪一間？
facebook：@tokyootakumode
毒舌見解以插畫呈現
每個人心中都可能住了個魔鬼，在日常生活面對種種事情時，許多暗陰邪惡的思想隨之而生，然而礙於傳統規範、別人睇法，大家即使產生歪念也不會宣之於口。然而，一位於東京打拚的24歲OL「おひまる」，破天荒利用插畫跟大家分享她生活上大大小小事情的「毒舌見解」。或許由於她的黑心回應夠貼地，也正是許多人心中的所思所想，以致社交平台開設帳戶短短4個月時間，已吸引近28萬名粉絲，並在日本引起廣大網友的回響。
Instagram：@ohimaru_diary
鞋底變iPhone殼
Nike波鞋Roshe以及Air Force 1相信大家都見過甚至擁有過，但有冇諗過兩款波鞋的鞋底可以有咩用？最近Nike就推出兩款iPhone 7機殼，而機殼的立體花紋正正是Roshe以及Air Force 1鞋底，非常過癮！Air Force 1鞋底機殼提供藍（Blue）、黑（Black）兩色，暫時未知推出日期；Roshe鞋底機殼則備有薄荷綠（Green Glow）以及紅（Team Crimson）兩色，已在美國Nike官網開賣，兩款機殼定價均為$35美元。
網址：http://swoo.sh/2qn4d5N
自製萌樣飯糰小丸子
日本人無論是學生抑或上班族，都愛帶便當返學返工，為了讓每一餐都有驚喜與新鮮感，潮媽或潮太都會花盡心思將食材「砌」到靚一靚，好似一位坐擁1.3萬粉絲的網民mayopon_，用上簡單食材如紫菜、芝麻、芝士、漬物、青豆等，為飯糰及便當設計萌樣，點綴成好打耳的眼睛、鼻仔及嘴巴，拼湊成討人歡喜的公仔或動物嘜頭。部分便當更配以雞蛋、腸仔、雜菜等，好看又好吃。
Instagram：@mayopon_
豐滿身材「泰」犯規
「沙嘩啲卡！」今日要同大家轉Channel講泰文，因為要介紹一位嚟自泰國嘅靚女Alicebambam！佢樣子清純似足舊時日本女神廣末涼子，但是擁有一副驚天地的豐滿身材，集天使和魔鬼於一身！佢喺個人介紹入面就話自己嘅目標（Goals）好堅定明確，但是對於粉絲嚟講，望住佢多過3秒就已經迷失目標了！Alice真名叫Arisara Karbdecho，生日係10月7日，乃天瓶座索女。佢依家仲喺Bangkok University International College讀緊書，相信IG擁有70萬粉絲嘅佢都係超級風頭人物嚟！
撰文：副刊組
相片：互聯網圖片