Verve Cam+小圓餅上山下海隨身拍

曾經喺手機界盛極一時嘅Motorola，近年頻頻踩過界推出智能錶、耳機及家居設備等，最近仲將旗下嘅運動相機Verve Cam+帶到香港，唔單止可拍攝2.5K高質影片，還附有隨身夾、防水殼等配件畀玩家戴住上山下海，無論出街玩Snapshot或者行山Selfie，甚至跑步時作第一身攝錄都冇問題，售價千元左右比坊間嘅Action Cam抵玩得多。

利用隨身夾配件，能夠把Action Cam夾在身上作第一身拍攝。<br>售價：$1,199

利用隨身夾配件，能夠把Action Cam夾在身上作第一身拍攝。
售價：$1,199

138度廣角視野

市面的Action Cam如GoPro等外形總是四四方方，Verve Cam+反其道而行採用小圓餅設計，僅重61g方便隨身攜帶，機面用上一支138度廣角鏡頭，能夠拍到2.5k@30fps、1,080@60fps高質影像，至於兩邊配備收音咪和喇叭，讓各位記低旅途的畫面和聲音。不過小記試拍時發現圓餅形機身雖然易拎，但較難分辨上下左右，手持拍攝時好容易令畫面傾斜，建議套上附送的膠套配件，以識別水平位置。

Verve Cam+外形有點似法式小圓餅，配備138度廣角鏡頭。

橙色軟膠設計的「泵把」，可將Verve Cam+繫於頸繩充當飾物。

三腳架外殼讓用家自行裝上各式自拍棍，玩Selfie更方便。

YouTube串流直播

操作方面，由於機身只有開關和拍攝兩個按鍵，所以大部分設定都要透過Wi-Fi和藍牙，連接《Hubble Connect for VerveCam》手機App進行，此App不僅可做到基本的影相、拍片功能，仲可玩縮時攝影（Timelapse）、循環錄影，甚至乎做到串流直播；用家只要先駁上Wi-Fi或Hotspot，即可連接YouTube進行實時直播。App內更提供13款濾鏡畀你為相片加工，執完相便可直接上載至facebook、twitter或Instagram等社交平台。

跟機附有4種配件，包括防水殼、隨身夾、三腳架外殼和軟膠「泵把」。

三腳架外殼還可裝到傳統腳架，以便透過《Hubble Connect for VerveCam》手機App玩縮時攝影。

三腳架外殼還可裝到傳統腳架，以便透過《Hubble Connect for VerveCam》手機App玩縮時攝影。

透過Wi-Fi或者Hotspot，能夠以App連接YouTube進行直播。

30米深潛防水殼

作為全天候Action Cam，新機當然具備防水功能，機體本身支援IPX4防濺水效能，若然加裝IP68認證的防水殼，便能帶住佢潛至30米水深。除了防水殼之外，跟機還備有唔同配件，當中隨身夾可將支Cam夾喺背囊或身上，大玩第一身視覺效果；另有三腳架外殼，可於機底自行裝上腳架或者自拍棍，玩Timelapse靠晒佢；最後有橙色軟膠設計的「泵把」，配合頸繩就可以掛喺頸充當飾物出街Snapshot。

支援2.5k@30fps、1,080@60fps拍片，全部設定可於手機App進行。	機頂僅提供開關和拍攝兩個按鍵，以影相、拍攝、直播圖案燈來顯示當前模式。	備有microSD卡槽，最大兼容32GB容量。
機身支援IPX4防濺水，加裝防水殼後可深潛至30米，帶去玩水都冇問題。	試片區鏡頭成像銳利度高，連模特兒的髮絲和背景細節都清楚呈現，人物膚色表現自然，惟曝光有點偏暗。