熱玩手遊：另類跳棋無限挑機

時下嘅手機遊戲雖然有好多種，但大部分要「課金」抽卡或買石先至能夠變強。「零課金」都想玩得叻？咁就要靠食腦！今次介紹嘅《Journey of Return》係一款免費益智遊戲，玩法類似跳棋方式，棋子必須跳過另一粒棋來移動，跳過的棋子會消失，玩家要絞盡腦汁將棋子跳到目的地，當中故事模式（Story Mode）有過百個關卡，玩家要帶領一隻狐狸穿越各大地圖。不過最正係支援無限模式（Infinite Mode），於9×9共81格大棋盤內會隨機出現棋子，玩家要想盡辦法食棋，同時避免棋盤被填滿，讓各位與Game Center內的高手一較高下。