Alpha 2機械人跳舞玩瑜伽

操控機械人係唔少男士嘅童年夢想，最近SmarTone引入智能機械人UBTech Alpha 2替Kidult圓夢。機械人高438mm，紅白色機身由鋁合金及ABS塑膠等製成，頭大身細並有圓形眼睛，造型相當可愛。主腦部分由Exynos 5260六核心處理器及2GB記憶體組成，前額及雙耳分別設有800萬像素鏡頭及3W立體聲喇叭，既可影相又能充當Webcam，還兼容智能語音系統連動，接受語音指令後，可同各位傾偈講故事，仲支援翻譯功能。其另一賣點是動作靈活，內置20個活動關節，可模仿人類舉手、跪下，甚至做出跳舞、瑜伽等高難度動作。而且用家可透過專用App下達指令，就算唔識編程都玩得掂。