瑰麗攝技 四式影花展

第一式：善用對比 凸顯主體

入到場個個都拎住部手機或相機影花，點解影出來嘅作品冇人哋咁靚呢？其實每朵花嘅形態擺位都有少許不同，大家影花前可先遊歷花展，搵一啲完整、美觀、具特色嘅花朵作主體，再利用顏色對比，將主體在花群中凸顯出來；又或者利用綠葉和深色背景襯托。另一方法是以聚散對比，例如有一株花長得較高，花海中顯得一枝獨秀，便可嘗試以水平角度突出主體。

第二式：點測光曝光更準

好多人影花忽略咗曝光，尤其是當拍攝白色或淺色花卉時，很容易「欺騙」咗相機嘅測光系統。若使用權衡式測光，有機會出現曝光過度（Over）情況，所以建議大家使用點測光令曝光更精準，甚至喺拍攝後放大張相仔細睇，配以直方圖（Histogram）觀察相片曝光分布。

第一式 嘗試利用對比去突出主體，如圖中黃玫瑰種植在紅玫瑰群之中，顯得獨特。

利用花海不同顏色作對比，可表現出層次感。

第二式 使用點測光令白色花瓣保留應有細節，唔會出現曝光過度情況。

拍攝後不妨放大瀏覽，並參考直方圖嘅數值再作調整。

第三式：柔光板柔和光線

花展影花主要用上天然光，但遇着陽光太猛未必係好事，皆因影出來嘅光線太硬、陰影偏重，反而陰天或黃昏時段光線較Soft，影出嚟會更好。若果正午陽光猛烈的話，不妨使用白紙或者柔光板阻隔一下，令光線顯得柔和。採光方面以側光較常用，令成像效果更立體；至於背光則可勾勒花卉輪廓，要視乎不同花和拍攝角度而選用。

第四式：雙重曝光 虛實交替

影花可用到雙重曝光技巧玩虛實交替，簡單嚟講，雙重曝光是將兩張影像疊加成一張相片，拍攝時利用腳架穩定機身，構圖可以兩張不同焦距的相片組合，又或者一張Sharp、一張Out Focus組合，甚至是光、暗對比組合。建議曝光值可減低一級或以上，否則疊加後好大機會曝光過度。

第三式 不妨以柔光板阻隔強烈光線，另可為陰影位補光，避免對比太強。	第四式 唔少相機內置雙重曝光功能，將兩張影像疊加前，記得要減低一級曝光。	利用雙重曝光先拍攝一張Sharp、再拍攝一張Out Focus相片，兩者疊加之下更添夢幻感覺。

香港花卉展覽2017詳情

日期：即日起至3月19日

地點：香港維多利亞公園

主題花：玫瑰

主題：愛．賞花

入場費：$14（全費）、$7（優惠收費）

查詢電話：2601 8260

網址：www.lcsd.gov.hk/tc/hkfs/2017/

花攝器材推介：EOS 5DS R精細呈現

Canon EOS 5DS R全片幅單反相機，有着5,060萬超高解像度，加上內置精緻細節相片風格，適合影花卉呢類需要呈現細節銳利嘅主題。

D810 強化攝錄

Nikon全片幅單反D810擁有3,630萬像素CMOS感光元件，支援ISO 32~51,200感光度，適合於高低光環境拍攝。另強化攝錄功能，可以每秒60格拍攝1,080p影片，仲能切換成FX或DX格式。

Befree碳纖腳架 高低取景

Manfrotto反摺式碳纖腳架Befree，勝在易於收藏和便攜，承重高達4kg，配合單反使用都冇問題，更提供兩種伸展角度，方便以低角度影花。

Canon EOS 5DS R全片幅單反相機 售價：$28,880（淨機身）（a）	Nikon全片幅單反D810 售價：$26,800（淨機身）（b）	Manfrotto反摺式碳纖腳架Befree 售價：$2,760（c）

撰文：黎子豪

攝影：莫文俊

模特兒：Winifred

查詢電話：（a）3191 2333、（b）2907 1122、（c）2327 6728