Y7 Max珠光寶氣新年長氣袋

新年四圍去同親朋戚友拜年，由朝玩到晚，手機嘅電量變得相當重要。法國品牌SUGAR趁新年期間，推出千多元的平價新機Y7 Max，內置4,000mAh電池及智能省電等模式，搭車狂玩Apps都冇問題。另一賣點是用上Bling Bling設計，機側音量鍵及開關鍵鑲嵌了14顆ZIRCONIA人工寶石，加上金屬機身備有鈦空灰、香檳金色選擇，觀感高貴。至於硬件用上5.5吋720p大芒，內置MiraVision提升動態對比度及飽和度，處理器採用MediaTek MT6737，配以3GB RAM效能唔算強，但整體操作流暢。要讚的是Y7 Max不但設有指紋辨識器，更可為Apps及文件上鎖。另設有三卡槽，既支援雙卡雙待，又可外加microSD記憶卡，最正係支援雙開功能，WhatsApp、Line、WeChat、facebook都可以同時開啟兩個帳戶，分開公私帳戶更加方便。