H1迷你投影 2D變3D

過時過節，總唔少得睇番場賀歲片，想投入3D影院級震撼，不妨考慮極米H1家居投影機，機仔細細可將一般2D影像立體化，仲好貼心咁附送兩副主動式3D眼鏡，小記試睇2D轉3D嘅YouTube影片極具層次感。畫質方面，它支援1,920×1,080解像度，可投射出200吋畫面，並提供35度垂直及30度左右校正，擁有900ANSI流明度，就算唔熄燈都睇得清楚；加上內建Harman Kardon立體聲喇叭，配備第三代虛擬環繞技術，靚聲之餘仲可以熄咗畫面充當一般藍芽喇叭「焚機」。此外，新機能透過家居Wi-Fi配對智能手機，將手機畫面投射出來，或者插上USB滑鼠操控都冇問題，一物多用。