嚴選外遊SIM卡 上網「智」慳家

日本篇：全日通最抵

日本向來是港人最愛嘅旅遊勝地，遊日SIM卡嘅選擇亦多到令人眼花。如果屬一星期左右嘅短Trip，「AJC全日通」就最多人揀。「AJC全日通」分為紅色及藍色兩種包裝，前者數據流量及時限為2GB/8天，2GB數據為4G網速，2GB後會限速200kbps，基本WhatsApp都夠用；後者時限7天，數據流量為每日215MB，超過215MB後才限速。受歡迎嘅主因係價錢抵玩，每張街價約$60，如果玩足7天平均每天開支都唔使$10。另一吸引之處是選用DoCoMo網絡，接收較穩定。

若然遊日時間較長，可考慮FREETEL上網卡，同樣使用DoCoMo網絡，使用時限分為14天及30天兩款。SIM卡雖然只得2GB數據流量，但使用facebook、WeChat、Line、WhatsApp四款Apps時不會計算數據用量，所以極之吸引。其售價則比「AJC全日通」貴，14天及30天時限分別售$130及$180。

深水埗的SIM卡攤檔集中於鴨寮街及北河街，攤檔數量甚多，購買前不妨格吓價。	「AJC全日通」備有紅色及藍色包裝。街價：$60	FREETEL上網卡勝在常用嘅facebook、WhatsApp等軟件都唔計數據，2GB夠晒用。街價：$130（2GB/14天）、$180（2GB/30天）

韓國篇：中移動吸引

韓國同樣是港人的旅遊熱點，小記推介中國移動嘅3G南韓7天數據卡，雖然只係使用3G網絡，但提供5GB數據用量，而且支援數據共享，特別在於喺韓國用唔晒嘅數據流量，香港一樣可以繼續用，直到用晒5GB為止。留意此卡公價$288，但於中國移動網站或者深水埗街價都有接近$100嘅折扣，慳好多！

中國篇：首選跨境王

如果北上探親或者避年，鴨記攤檔通常會推介中國聯通跨境王4G，街價大概$100，卡內設有$80儲值額，可用來作流動數據或撥號通話；亦可選擇其數據組合，例如300MB/7天（售價：$48）、500MB/30天（售價：$68），用法靈活。跨境王除咗可以喺香港和內地用到，最厲害係連澳門、台灣、日本都啱用，加上有效期有90天，可透過增值延長期限，新年去幾個地方就抵上加抵。

跨境王4G內有$80儲值額，支援數據共享功能。街價：$100

追求上網速度嘅北上人士，可選擇中國移動4G/3G內地10天數據卡，備有1.5GB數據用量。街價：$90

歐美篇：3儲值卡熱賣

如果新年遠征歐美，美國方面可選擇較為熱門嘅Ultra Mobile Data Plus，30天時限提供4G及3G各2GB數據流量，而且可使用超過60個地區免費長途電話，街價$180非常好用。想嚟個雞年歐遊，鴨記攤檔推薦由英國3推出嘅4G儲值卡，分為1GB/30天（售價：$60）、3GB/90天（售價：$150）、12GB/30天（售價：$280）三款，勁在涵蓋42個地點包括法國、意大利、西班牙、德國、荷蘭，甚至美國、澳洲、印度等，熱門旅遊地點幾乎有齊。

Ultra Mobile Data Plus提供數據流量之餘，仲有埋長途電話，非常實用。街價：$180

英國3推出的儲值卡可於歐美等42個地點使用。售價：$60起（1GB/30天）

撰文、部分攝影：林子聰