雞毛「泵」賀年

唔經唔覺今個月尾（1月28日）已經係農曆大年初一，唔少人鍾意年三十晚前買新鞋過年，所以各大品牌都不約而同於新年前推出賀年限定波鞋。今回就輪到Reebok出手，以品牌旗下最經典、最受追捧的Pump Fury作主角，打造出雞年別注限定版設計。鞋身配色就以米白色為主調，並做出猶如公雞羽毛的質感，而鞋踭「雞尾」部分則以閃亮的幻彩金屬藍色點綴，上面更繡上中國傳統生肖曆法圖案；皮革「耳抽」則繡上代表「正」的圖案，寓意十年，因為雞年正值曆法中第10個生肖，另Pump充氣系統上的按掣亦印上公雞圖案，藉此加強新春氣息。