PM210 隨時印靚相

聖誕新年期間,手機儲落唔少靚相,如果想將相片即時印出嚟與好友分享,Kodak Photo Printer Mini PM210流動打印機肯定大派用場。它支援iOS及Android裝置,透過Wi-Fi即可將手機與打印機連接,之後可經《KODAK Printer Mini》手機App開啟相片即時打印,App內另有相機功能,可玩到即影即印,還可直接連結facebook、Instagram等帳戶攞相列印,相當方便。此外,用家可選擇拼貼相片,以及調校亮度、對比度、飽和度等設定,亦可加入濾鏡、相框、文字等。至於相紙,PM210用咗專利嘅一體式墨盒連相紙,利用熱昇華打印技術於相片加上保護塗層。小記即場試玩由按列印一刻到打印完成,大概需時1分30秒。