手機Selfie四式營造浪漫聖誕

過幾日就到聖誕節，各大商場嘅燈飾布置賞心悅目，當然唔少得同另一半Selfie自拍浪漫靚相，即時擺上facebook和Instagram放閃。不過想呃Like成功，齋影大頭和合照梗係唔夠，今次教大家四式手機自拍技巧，令聖誕浪漫氣氛倍增！

第一式：朦朧美感

唔少人鍾意為相片加入散景效果，為戀人添上朦朧嘅聖誕背景。但想Selfie靚靚散景，先決條件係要有大光圈鏡頭，近期不少新手機都植入前置大光圈鏡頭，如iPhone 7（F2.2）、LG G5（F2.0）、Samsung Galaxy S7 （F1.7），自然能輕鬆影出前清後矇靚相。若想效果更突出，建議拍攝者與背景保持一定距離來提升朦朧感。若現場環境許可，仲可加入前景令前後畫面更具層次美感。

Selfie時要與背景保持一定距離，淺景深效果先會突出。

現場環境許可的話，建議加入前景令畫面更有層次。

Apps幫幫手<br>用緊部手機冇大光圈前置鏡頭？其實市面亦有不少執相Apps，可以模擬散景效果，例如《相片大師》（Photo Director）內置「模糊工具」，可點選相片作局部模糊，成像效果都算自然。售價：免費（iOS、Android）

Apps幫幫手
用緊部手機冇大光圈前置鏡頭？其實市面亦有不少執相Apps，可以模擬散景效果，例如《相片大師》（Photo Director）內置「模糊工具」，可點選相片作局部模糊，成像效果都算自然。售價：免費（iOS、Android）

第二式：盡攝全景

聖誕裝飾一般較為巨型，就算前置鏡頭有幾Wide都好難影得晒，呢個時候「全景自拍」就大派用場，以HTC Desire 10 Pro為例，內置全景自拍功能，可拼貼最多5幅相片做到150度廣角效果，背景布置同自拍人像都兼顧得到。要留意嘅係平時Selfie為求人臉瘦啲，會將手向上舉起至45度取景，但影全景自拍就唔適合，拍攝時手機必須保持水平，咁樣全景效果先會自然。

手機一定要垂直水平移動，全景效果先唔會變形。

試相區
全景自拍既可影到人像，又可以影埋廣闊嘅聖誕布置。

Apps幫幫手<br>好多手機都內置全景拍攝功能，不過絕大部分只支援後置鏡頭使用。想玩「全景自拍」的話，推介《全能相機》App，其「全景相機」前後鏡頭都用到，用法都係水平舉機再左右轉動拼貼相片。售價：免費（Android）

Apps幫幫手
好多手機都內置全景拍攝功能，不過絕大部分只支援後置鏡頭使用。想玩「全景自拍」的話，推介《全能相機》App，其「全景相機」前後鏡頭都用到，用法都係水平舉機再左右轉動拼貼相片。售價：免費（Android）

第三式：璀璨夜色

想喺夜晚拍攝璀璨燈飾，仲要兼顧人像靚樣，難度自然大大提高，皆因自拍夜景經常會遇到主體與背景曝光偏差問題。解決方法好簡單，夜拍時可選擇以背景例如燈飾部分曝光，或手動調校手機的光圈快門設定；這時前景人臉會出現偏暗情況，便可出動自拍燈為人臉補光，或者啟動手機前置閃燈功能，令背景和人臉都有足夠亮度，人景合一。