4大360 Cam全景奇招碌住過Xmas

臨近聖誕，幾乎所有商場都布置好聖誕裝飾，畀大家影相呃Like，不過年年都用相機、手機之類去影似乎冇乜新意，而且鏡頭角度有限，總係影唔晒全個環境。今年不如試吓大熱嘅360 Cam，可以影360度全景相之餘，能夠碌住睇靚相。今次一於玩盡市面4大360 Cam的特異功能，有的可拍攝小星球、有的輕鬆擺上網，奇招盡出影聖誕。

Theta SC
售價：$2,890（a）

Theta SC慢快門自轉動感燈飾

作為360 Cam鼻祖嘅Ricoh，新推出嘅Theta SC可配合《Theta S》手機App遙控操作，而且支援手動、快門先決等進階拍攝模式。想Selfie聖誕靚景的話，可於自拍時使用慢快門，並手持相機自轉，咁樣主體唔會矇查查之餘，背景亦會變得線性兼具動感。但要留意快門設定愈慢，線性背景便會拉得愈長，有機會連主體都變得鬆散。另提供粉紅、藍、白、米4種機身顏色，能夠影到1,400萬像素相片和1,080p@30fps影片，加上內置8GB容量，唔使插卡都夠影。

《Theta S》App備有自動、手動、快門先決等模式，可以手動調校快門、ISO、白平衡等設定。

《Theta S》App備有自動、手動、快門先決等模式，可以手動調校快門、ISO、白平衡等設定。

試相區<br>Model拎住相機自轉，並使用1/15秒慢快門，背景會變成橫向線性，喺燈飾滿布嘅環境更添夢幻。

試相區
Model拎住相機自轉，並使用1/15秒慢快門，背景會變成橫向線性，喺燈飾滿布嘅環境更添夢幻。

KeyMission 360全天候極速分享

好多人影完聖誕裝飾，都想第一時間放上社交平台呃Like，Nikon KeyMission 360內置Wi-Fi及藍芽功能，讓玩家快速連接手機App《SnapBridge 360/170》操控，此App另一特點是當用家每影一張相，都會自動將影像下載到手機，唔使逐張揀咁麻煩，仲有200萬像素或原來尺寸選擇，畀各位極速擺上網分享。新機仲係現時唯一支援4K拍攝嘅一體化360 Cam，可影到3,000萬像素相片，而且備有30米防水、2米防撞、-10℃防寒及防塵效能，就算喺戶外影聖誕都應付得到。

KeyMission 360 售價：$4,380（b）	Nikon KeyMission 360內置Wi-Fi及藍芽功能，可快速連接手機。	每當影完一張相，相機都會自動過相落《SnapBridge 360/170》手機App，可以揀200萬像素或原來尺寸。
試相區雖然KeyMission 360冇乜內置特效，但相片解像度高達3,000萬像素，連熊仔布置身上嘅細節都睇得一清二楚。

Insta360 Nano 美顏Selfie玩特效

想人景合一影聖誕，唔少人都會用手機Selfie自拍，Insta360 Nano為此而生，它對應《Insta360 Nano》手機App，提供3種程度嘅美顏功能，幫助主體袪除瑕疵，另有8款濾鏡變化出唔同效果，令影出嚟嘅全景相片或影片與別不同。值得一提係Insta360 Nano只適用於iPhone，機身特設Lightning插口，一插上iPhone即自動開App，支援拍攝462萬像素相片及3K影片，質素唔算好高，但放上社交平台綽綽有餘。

Insta360 Nano 售價：$1,699（c）	Insta360 Nano適用於iPhone，機身特設Lightning插口。	《Insta360 Nano》App支援美顏和濾鏡功能，提供3種程度美顏功能，至於8款濾鏡無論拍攝前期或後期都用得。
試相區使用最高級別美顏效果，Model塊面同埋手臂都變得白滑細緻，配合濾鏡效果變得零舍有聖誕Feel，完全毋須後製執相。

Panoview P3600 打造聖誕小星球

雖然Panoview P3600外形唔算好突出，但勝在千多元實用抵玩，能夠配對手機App《SYVR360》，內裏有多款模式包括全景、VR、小星球等，當中以小星球效果最過癮，影相時以高角度拍攝，出嚟嘅效果就似足將聖誕場景變成星球，而自己站在星球之上嘅感覺。跟機還附有小型腳架和配件，可將相機安裝喺唔同位置，用嚟影聖誕合照都唔錯。

Panoview P3600 售價：$1,280（d）	Panoview P3600跟機還附有小型腳架和配件。	《SYVR360》App內置VR、小星球、全景等多種模式，成像效果有趣。
試相區用小星球模式去拍攝，令整個聖誕場景都變成一個星球，而Model猶如企喺星球上面，令人聯想到《小王子》內的角色。