髮現品味

近兩三年男裝界興起油頭文化（Pompadour Hair），個個男士都鍾意走去Barber Shop「Fade」個靚髮（我哋成日講飛髮，當中個「飛」字其實就係「Fade」，意思係將頭髮兩側剷青）。有人可能覺得今年呢股油頭熱潮已經不再，但在外國人眼中去Barber Shop剪油頭，根本就係平常不過嘅事情，絕無所謂興定唔興，只有喜歡與否。正如於今年正式以實體店開業的髮油及男士用品專門店張梁記（Cheung Leung Kee）主理人之一Gary Cheung所講，到現時仍會剪油頭的男士必定對此文化相當熟悉，因此對所用的髮油用品亦有一定要求。正因如此才令他與拍檔Billy Leung合作開店售賣各式各樣與油頭文化相關的產品。
張梁記主理人之一Gary Cheung。
張梁記主理人之一Gary Cheung。

隱身廠廈 產品五花八門

有剪過油頭嘅讀者，一定知道一罐髮油、一把摺梳對油頭造型係幾咁重要。只要踏入觀塘廠廈內的張梁記，便會發現五花八門的產品，當中除了各歐美品牌推出的髮油外，一些油頭專用的洗頭水、護髮素及爽髮水（Hair Tonic）亦陳列架上。好似「豬仔」（REUZEL）及「骷髏頭」（SUAVECITO）兩個最多人喜歡的髮油品牌，店內就差不多有齊全線不同產品，由此可見男士髮型一樣可以好講究。

另店內亦有來自美國Prospectors、O'DOUDS、日本COOL GREASE，甚至是馬來西亞「江獸」（GONZO）等不同產地的髮油產品，想清楚每一款產品的功效或使用方法，可以直接向Gary請教，佢會好樂意同大家分享油頭造型的技巧。

店內木枱陳列了一系列剃鬚用品及摺梳。
  • 店內木枱陳列了一系列剃鬚用品及摺梳。
港式風格的膠牌是Gary早前找專門寫小巴價錢牌的師傅所寫。
  • 港式風格的膠牌是Gary早前找專門寫小巴價錢牌的師傅所寫。
另一備受追捧的Prospectors髮油。<br>$399/15oz、$149/4.5oz、$99/1.5oz
  • 另一備受追捧的Prospectors髮油。
    $399/15oz、$149/4.5oz、$99/1.5oz
（左至右）美國品牌O’DOUDS髮油 $149、古龍水 $459及鬚後水 $149。
  • （左至右）美國品牌O’DOUDS髮油 $149、古龍水 $459及鬚後水 $149。
俗稱「骷髏頭」的美國品牌SUAVECITO，產品散發濃厚古龍水香味，所以好多人鍾意。髮油 $119/4oz（左）、夏日版髮油 $119/4oz（中）及Grooming Spray $109/8oz（右）
  • 俗稱「骷髏頭」的美國品牌SUAVECITO，產品散發濃厚古龍水香味，所以好多人鍾意。髮油 $119/4oz（左）、夏日版髮油 $119/4oz（中）及Grooming Spray $109/8oz（右）
REUZEL Grooming Tonic $159/350ml（左）及Hair Tonic $159/350ml（右），前者於濕髮時使用有效增加豐盈效果，後者用於清爽髮根和頭皮。
  • REUZEL Grooming Tonic $159/350ml（左）及Hair Tonic $159/350ml（右），前者於濕髮時使用有效增加豐盈效果，後者用於清爽髮根和頭皮。

剃鬚用品 品味型男至Like

除了梳個靚油頭之外，近年男士們都好關注鬍鬚造型，所以店內除了有梳油頭必備的「江獸」彈弓梳、英國品牌KENT及MAN COMB摺梳外，更有一系列美國品牌Parker所推出的剃鬚用品，當中包括：可更換刀片的金屬剃鬚刀、剃鬚皂及打泡專用掃，並有專門放置剃鬚用具的金屬架，自認有品味的男士家中真係要有番一套。與此同時，店內亦引入歐美髮油品牌推出的周邊單品，例如古龍膏（固態古龍水）、香薰蠟燭、公仔擺設及Print Tee，間接令油頭文化更為入屋。

成套剃鬚套裝就算唔用齋擺都夠品味。
  • 成套剃鬚套裝就算唔用齋擺都夠品味。
馬來西亞香薰品牌Apothecary推出的古龍膏（固態古龍水）。$189
  • 馬來西亞香薰品牌Apothecary推出的古龍膏（固態古龍水）。$189
來自馬來西亞的「江獸」（GONZO）金屬彈弓梳 $165，溫馨提示千祈唔好Hand Carry上機，因為有機會被海關沒收。筆者親身試過，彈力超強！
  • 來自馬來西亞的「江獸」（GONZO）金屬彈弓梳 $165，溫馨提示千祈唔好Hand Carry上機，因為有機會被海關沒收。筆者親身試過，彈力超強！
創立於1973年的美國品牌Parker金屬剃鬚刀 $299（左一、左二）、$289（右一及右二）。
  • 創立於1973年的美國品牌Parker金屬剃鬚刀 $299（左一、左二）、$289（右一及右二）。
英國品牌MAN COMB金屬摺梳 $289/各、摺梳 $99/各、皮革梳套 $99。
  • 英國品牌MAN COMB金屬摺梳 $289/各、摺梳 $99/各、皮革梳套 $99。
提到油頭的代表人物，貓王及碧咸等古今型男必定上榜。
  • 提到油頭的代表人物，貓王及碧咸等古今型男必定上榜。

撰文：賴文曦

攝影：莫文俊

查詢電話：6643 3702