Pawbo寵物互動 陪食陪玩陪傾偈

上載720p影片

蛋形外觀嘅Pawbo，機身內置110度超廣角鏡頭，只要連接屋企嘅Wi-Fi網絡，用家即可經手機或平板，以《Pawbo》App隨時隨地睇住毛孩喺屋企嘅情況。若然想捕捉佢嘅趣致表情，仲可用App即時影相儲存到手機內；如想拍片的話，則要事先綁定Dropbox帳號，所拍攝的720p影片就會自動上載至雲端，方便隨時重溫。

紅點互動遊戲

除咗影相拍片之外，Pawbo設有互動遊戲功能，其鏡頭下方能夠射出紅色光點，當毛孩見到紅點自然會撲上去，唔單止幫到佢舒展筋骨，仲可以畀大家睇到毛孩四圍撲嘅有趣畫面，隔住個芒笑餐飽。至於手機畫面設有虛擬操控桿，畀你控制紅點位置，還可開啟自動模式讓紅點隨意移動。如果大家工作太忙，App亦有提示功能，左上方嘅心心代表親密指數，同毛孩玩得多就會有多啲心心，設計又幾貼心喎。

按一下手機畫面就會跌出零食，用以獎勵毛孩。	連接家居的Wi-Fi網絡後，能透過《Pawbo》App看到家中實時畫面。	App的虛擬遙控桿能控制紅點，長撳右下的通話鍵即可同愛寵傾偈。

零食獎勵愛寵

玩到攰係時候獎勵一下愛寵，機身底部設有零食轉盤，提供10格位置擺放零食，各位一按手機嘅餵食功能鍵，轉盤就會跌下零食，而且零食轉盤能夠成個拆出嚟，清洗更加方便。其實要吸引毛孩走到鏡頭前，除咗用食物，亦可透過聲音，Pawbo本身備有收音咪和喇叭，等你同毛孩傾偈互通，另有雀鳥聲、貓叫聲、膠袋聲和老鼠叫聲可揀。

機背備有WPS（Wi-Fi Protected Setup）按鍵及電源插頭。	零食轉盤設有10格位置擺放零食，仲可成個拆出嚟清洗。	試片區 720p影片的畫質尚算細緻，至少貓毛和地氈都表現出層次感。

寵物互動裝置 眾籌大熱

Petcube寵物新玩意

專門推出寵物互動裝置的Petcube，早前在Kickstarter進行集資，當中Petcube Play及Petcube Bites均擁有1,080p拍片、紅點遊戲、夜視模式等。不過四方設計的Petcube Play主要跟寵物玩耍，而長方外觀的Petcube Bites則可加入零食，用手機App即可遙控餵食。

網址：https://www.kickstarter.com/projects/petcube/petcube-bites-petcube-play-treat-and-care-for-pets

Pet Tutor Blu訓練裝置

藍色筒狀設計嘅Pet Tutor Blu寵物訓練裝置，能夠裝填大量貓狗糧，用家只要利用手機專用App，即可控制它跌下糧食。還可選購遙控器作為訓練工具，將遙控器放入寵物玩具內，當寵物觸碰玩具時，Pet Tutor Blu便會跌下食物，訓練寵物完成指定動作後才可開餐。

網址：https://www.kickstarter.com/projects/pettutor/worlds-smartest-pet-games-and-training-system-pet

撰文：黎子豪

攝影：胡振文、郭凱敏

貓模：Pumpkin

查詢電話：3148 9455