Life 360°Cam 第一身全景實拍

近期360°拍片和VR睇片大熱，想一次過玩晒兩樣嘢其實唔難，事關Okaa推出的Life 360°Cam，能夠拍到全景影片之餘，跟機仲送埋一副可夾實智能手機嘅VR眼罩，透過《OKAA 360》手機App嘅VR模式，即可在眼罩內睇到自己拍攝嘅VR影像，直情可以一路拍一路睇！
售價：$1,780<br>（連VR眼罩及腳架）
售價：$1,780
（連VR眼罩及腳架）

汽車錄影模式

前後雙魚眼鏡頭設計嘅Life 360° Cam，能夠自動合成1,920×960嘅VR影片，或者450萬像素VR相片，毋須軟件後製相當方便，更提供汽車錄影模式充當車Cam使用，當附送的8GB記憶卡爆滿後會自動循環錄影，一物二用。機身支援IPX4生活防水效能，就算拎出街遇着落雨都可正常操作。若果唔想用VR眼罩的話，用家亦可以《OKAA 360》手機App瀏覽影像，提供小星球、全景、魚眼等多種模式，小記覺得小星球效果最為特別，自拍時好似企喺星球上面任你碌。

VR模式會將畫面左右分割，配合VR眼罩便可盡覽全景影像，而且眼罩能夠夾上不同尺寸手機。
  • VR模式會將畫面左右分割，配合VR眼罩便可盡覽全景影像，而且眼罩能夠夾上不同尺寸手機。
機頂備有LCD屏幕顯示拍攝資訊，更提供汽車錄影模式，可充當車Cam使用。
  • 機頂備有LCD屏幕顯示拍攝資訊，更提供汽車錄影模式，可充當車Cam使用。
用上前後兩支F2.0大光圈魚眼鏡頭，拍攝後會自動合成為360°影像。
  • 用上前後兩支F2.0大光圈魚眼鏡頭，拍攝後會自動合成為360°影像。
《OKAA 360》手機App支援小星球、全景、魚眼、VR等多種瀏覽方式。
  • 《OKAA 360》手機App支援小星球、全景、魚眼、VR等多種瀏覽方式。
Life 360°Cam體積只有69×63×48mm，重量約186g，支援IPX4生活防水效能。
  • Life 360°Cam體積只有69×63×48mm，重量約186g，支援IPX4生活防水效能。

撰文：黎子豪

攝影：郭凱敏

查詢電話：2416 6938