激平A1s 4G遊世界

提起平價國產手機，好多人會諗起小米、魅族等。最近大家有一個新選擇，就係中國移動香港以China Mobile牌頭推出嘅A1s，無論你係上台出機抑或買淨機，定價一律$638。

新機定價超平，規格當然只屬入門級，搭載Snapdragon 410四核心處理器及1GB RAM，整體效能一般，但勝在預載Android 5.1，上網、WhatsApp等簡單工作應付自如。還配備5吋IPS屏幕、800萬像素鏡頭等，入門機嚟講絕對收貨。最強賣點當然係網絡支援，不但提供雙卡雙待，更支援5模11頻，包括中港3G及4G網絡，並兼容VoLTE高清語音通話，質素有保證。而且用家買機時可以優惠價$88額外選購手機保護殼及玻璃貼套裝，一條龍服務搞掂晒。