980gram大芒筆電輕而易舉

全尺寸鍵盤好手感

LG全新筆電系列提供14吋（gram 14）及15.6吋（gram 15）兩個型號，單色機背只得一個細細嘅品牌Logo，極盡簡約時尚。惟gram 14僅提供白色一款配色，手感亦帶點膠；gram 15則在白色以外追加金色選擇，還用上鎂合金機身，更加硬淨耐用，配合6.7mm屏幕邊框，設計倍添型格。此外，gram 15備有全尺寸加NumPad鍵盤，對於經常要輸入數字嘅用家相當合用。

纖薄設計有驚喜

叫得做gram，重量自然係最大賣點，雖然gram 14及gram 15尺寸不同，但兩機同樣只重980g，屬市場上罕有的1kg以下大芒筆電機款，比起15吋Samsung Notebook 9（1.29kg）或者13吋MacBook Air（1.35kg）都輕超過20%。小記現場試玩時，拎起機一刻仲以為係拎住一部Dummy模型，相當有驚喜。而且gram 14及gram 15分別只有13.4mm及16.8mm厚度，屏幕及鍵盤的重量比例適中，唔會出現屏幕過重而「反機」嘅情況，就算唔用手托住機底都冇問題。

gram 14（左）只提供白色機身，gram 15（右）則有白、金兩色選擇。	由一般模式（左）轉為閱讀模式（右）後，畫面亮度明顯變得柔和，色溫也稍稍變暖，睇得更舒服。	機身得980g咁輕，帶出街全無負擔！（設計對白）
gram 15備有全尺寸鍵盤，啱晒經常用Word、Excel和PowerPoint嘅用家。	gram 15左側設有電源插口，配以USB 3.0、HDMI及USB Type-C插口。	機身設計簡約，背面只有個細細嘅Logo。

USB Type-C擴充齊全

以往好多輕薄Notebook都會抽走晒外接插口，只留下一兩個USB作擴充之用，用家隨時要帶埋分插跟身。今次gram 15有齊兩組USB 3.0、USB 2.0、HDMI及microSD卡槽，最方便是提供USB Type-C，一條線材可傳送數據、4K影像及作充電用途，連接不同類型配件就更加方便。規格方面，gram 14搭載Core i5-6200U處理器，gram 15則提供Core i5-6200U及Core i7-6500U處理器選擇，後者仲有256GB及512GB SSD可揀，比起一般輕便機款常用嘅Core M處理器效能更強。另一賣點是用家可設定不同顯示模式，包括閱讀和電影Mode，屏幕會自動調校色溫和亮度設定，睇得自然更舒服。

畫面右下角可隨時轉換閱讀模式及電影模式。	內置LG Control Center，可調校用電模式、Instant Booting快速開機等功能。	機身最厚位置只有一毫子直徑左右，加上僅重980g，輕巧便攜。
規格表

同場加映：顯示屏及藍芽喇叭登場

廠方同場推出兩款新品，分別是21:9 Ultra Wide弧形顯示屏38UC99及Music Flow P5藍芽喇叭，前者備有38吋3,840×1,600解像度，IPS面板支援99% sRGB色域，並內置USB Type-C插口及喇叭，即場示範以USB Type-C連接gram新筆電，真正做到一插即用，非常方便。後者則用上木紋設計，支援長達15小時藍芽播歌，喇叭可同時連接兩部智能裝置，亦支援Dual Play連接兩部Music Flow喇叭，帶出街玩立體聲音效話咁易。

38吋21:9 Ultra Wide弧形顯示屏38UC99，解像度達3,840×1,600質素。 售價：$12,990

Music Flow P5藍芽喇叭用上木紋設計，擺在房間聽歌一流！ 售價：$790

撰文、攝影：林子聰

查詢電話：3543 7777