航拍旗艦新店任玩無人機

以無人機起家的DJI，早前先後喺深圳及首爾開設旗艦店，日前正式於銅鑼灣開設全球第3間旗艦店，店舖一共有3層，總面積過萬呎，用上純白色簡約裝潢設計。地面樓層主要是產品展示區，擺滿最新無人機和手持穩定器，包括Phantom 4及Osmo Mobile等，可以畀大家試玩；另設飛行演示區，備有安全網可供試飛，飛到上一樓都冇問題。至於一樓係專業級產品展示區，有齊Spreading Wings S1000+、Matrice 600等機種，亦有適用於單反相機嘅Ronin-M手持雲台，另設有SkyPixel影像廊，展出世界各地的航拍作品。至於二樓為技術支援中心，提供空間舉辦工作坊和研討會，可說是航拍玩家的新熱點。