Mazda3 SKYACTIV-G 2.0 HV披甲跑味

向來走活力形象的Mazda3 Hatchback，最近多了個「Mazdaspeed Aero Kit」的新版本，加$5,600就可升級至Mazdaspeed跑車化套件連雨擋，個價已經連稅連人工，都真係幾抵吓！同時，搭載SKYACTIV-G 2.0引擎的Mazda3 Hatchback，燃油消耗更低至17km/L（NEDC），又要部車夠型、又想慳油，呢部可會啱心水？

Mazda3 SKYACTIV-G 2.0 HV<br>售價：$255,500（包括Mazdaspeed Aero Kit，售價：5,600）

Mazda3 SKYACTIV-G 2.0 HV
售價：$255,500（包括Mazdaspeed Aero Kit，售價：5,600）

選配包圍添上動感

近年在港開售的Mazda，很多版本都配上High Spec.，圍繞着車身走個圈、再坐進駕駛席望吓，好多人都會有這樣疑問：「使唔使咁齊料呀？」就如今次測試的Mazda3 SKYACTIV-G 2.0 HV，不但標配了自動轉向頭燈、18吋胎軨及藍芽免提音響等設備，仲有埋Active Driving Display和9個BOSE喇叭添。豪得過分？是的，用料及設備確是超晒班，車價亦只是$25萬左右，雖稱不上超平、唔買就笨，但部車實實在在畀到咁多嘢你，點計都是賺吧！現時，額外畀多$5,600仲有埋「Mazdaspeed Aero Kit」，當中包括頭尾擾流、裙腳、尾翼、全黑側鏡、雨擋、金屬腳踏及Mazdaspeed貼紙等，除非唔鍾意型格跑味，否則冇理由唔Upgrade啩？

腳踏<br>Mazdaspeed Aero Kit包括金屬腳踏、裙腳、全黑側鏡、尾翼、頭尾擾流、雨擋及Mazdaspeed貼紙等，成部車當堂多了幾分跑味。

腳踏
Mazdaspeed Aero Kit包括金屬腳踏、裙腳、全黑側鏡、尾翼、頭尾擾流、雨擋及Mazdaspeed貼紙等，成部車當堂多了幾分跑味。

裙腳

側鏡

制動腳踏控制熄火

為減低燃油消耗，好多新車出廠已預載了引擎怠速自動熄火系統，雖然原理很簡單，但不同廠還是有不同設定，有些車未停定已熄火，當遇上塞車慢溜行駛時，引擎便不斷點火、熄火，很令人煩厭。Mazda的i-stop卻沒有這個問題，這也是筆者試過眾多Start/Stop功能中最為接受的其中一個，引擎是否熄火可透過制動腳踏來控制，譬如踩三分之一制動已可把汽車控制在靜止狀態的話，只要保持制動踏板深度不變，即使汽車已完全停定，引擎也不會自動熄火。想熄火要點做？仲容易，將制動踏板踩深一點就得，引擎幾時熄火全由自己控制，這樣不但可避免引擎在不當時候熄火導致起步緩慢，還可減少很多不必要的尷尬。

尾翼

尾擾流

放大圖片

低耗油量操控好玩

不論是汽油版本或柴油版本，Mazda的SKYACTIV引擎都十分慳油，搭載2.0公升引擎的Mazda3，用四分之一缸油行200km絕對不是問題，官方公布的油耗水平為17km/L，唔使油卡折扣已做到$0.84/km！同時，Mazda3 Hatchback的操控同賣相一樣咁有生氣，它的設計沒有預你去劈彎，但開起來卻毫不死板，人與車有很好溝通，相比起只為舒適而完全放棄操控樂趣的車款，Mazda3 Hatchbach就相對好玩得多。現時，代理還將雙區獨立恒溫冷氣、加減波軚盤、LED日間行車燈、後泊鏡頭等列為標準配置，設備多到你唔信。