紐約雪糕展又食又玩

用食物來做展覽雖然不是新鮮事，但在炎炎夏日，如果有個以雪糕來做主題的展覽，確實令人心花怒放！美國紐約Meatpacking區的Museum of Ice Cream，為期間限定展覽，只開一個月，頭兩日已吸引過千名參加者因雪糕之名而去朝聖。展覽場內色彩繽紛，全部圍繞住雪糕及其周邊食品，如布滿粒粒彩虹糖的泳池、雪糕造型的搖搖板、仲有甜到膩的朱古力房及雪糕電燈主題房等。另有試食專區，除了見慣見熟的雲呢拿、咖啡、各種生果味之外，仲有專人根據你喜好的味道、雪糕質感等，炮製你的專屬雪糕口味，第二度食唔番呀！雖然展覽門票已售罄，但每個星期五都有先到先得門票發售，想去就要碰吓運氣了。