倫敦一碗Cereal的革命

一間開在東倫敦Camden Town、以Cereal同Retro裝修為主題的Cereal Killer Cafe，會因為一碗平平無奇的穀物早餐變成奢侈品，而鬧出一場「穀物革命」，從而引發出倫敦的「反士紳化」（Anti-Gentrification）問題。另一邊廂的Paddington區，由知名雜誌Monocle開設的Kioskafe咖啡店，賣的是多個國家的獨立雜誌，支持紙媒當然歡迎，但每本雜誌叫價不菲，為了支持獨立雜誌，又值唔值得買？

舊式電視無間斷播放90年代的卡通同穀物廣告，非當地人如我，應該一個都未睇過。

一碗穀物一場革命

東倫敦Camden Town的Stables Market，專做遊客生意，不少店舖賣的是印有Union Jack之產品（即英國旗）不去也罷，偏偏市集中心的Cereal Killer Cafe就吸引不少人去朝聖。去年年中開業的Cereal Killer，專賣穀物早餐，由東倫敦孖仔潮人Alan及Gary經營。店內售賣的是英國、澳洲、美國等地的穀物早餐，口味有成

已絕版的Spice Girls海報變成牆紙，唔知咸爺來到會唔會打個卡？

穀物主角的潤唇膏，放心，唔係穀物味的，£3（約HK$30）。

唔睇唔知，原來穀物早餐有咁多種不同味道同牌子，我淨係識家樂氏隻公雞同老虎咋……

120種，除了普通鮮奶，仲有香口膠、玉桂、開心果等味道的鮮奶配穀物，驚唔夠飽？20多款Topping如生果、聰明豆、麥提莎、棉花糖等任揀，仲可加大分量，大到成碗拉麵咁都仲得！聽落Fancy又繽紛，試食一口，甜到好似食咗幾十啖糖咁！食物不是你杯茶，唔緊要，店內裝修才是主角，過百款穀物包裝盒變成牆紙裝飾，厚身電視機不停播放90年代的錄影帶節目，座位更用了生銹鐵床配卡通床單，夠晒盞鬼。難怪Instagram已有超過4萬個Post，在Twitter更成為2015年最多人Hashtag之地，多位英國藝人如Pixie Lott、Louise Redknapp、網絡紅人Dodie Clark等都朝聖過，連HeHe雜誌《Attitude》、音樂雜誌《Smash Hits》、德國版的女潮《Glamour》雜誌都爭相訪問Cereal Killer，確實巴閉。

運送鮮奶的膠盒變成枱櫈，冇浪費。

以士多啤梨奶配穀物同棉花糖的雙重彩虹穀物組合，£4.7（約HK$47）。

朱古力味的獨角獸大便早餐，£4.8（約HK$48）。

你有你巴閉，我有我反對。Cereal Killer的穀物賣成4英鎊一碗，此價錢已可買到一大盒家庭裝穀物，夠食成個星期。庶民食物變成奢侈品，仲要開在本身不算富裕的東倫敦，令當地居民大為反感，去年9月更揭竿起義，一行200人遊行到Cafe，在門外淋紅油，進行「反士紳化」示威，反對其以超高價賣一碗原本是極平民的穀物。東倫敦原本為草根社區，但近年愈來愈多獨立小店、潮人Cafe、型格餐廳等進駐，令租金、消費物價不斷上升，因此觸動了居民神經。孖仔店主有苦自己知，無奈地表示：「為何要受攻擊的不是霸權地產商同大型連鎖店？卻要我們這些獨立經營的小市民受害，難道在大型連鎖Cafe飲一杯3英鎊的咖啡、食一件4英鎊的多士，大家就覺得理所當然，這樣合理嗎？」

Cereal Killer Cafe

地址：Mezz 2, Stables Market, Chalk Farm Rd, Camden, London NW1 8AH, UK

營業時間：9:30am~7:00pm

網址：www.cerealkillercafe.co.uk

交通：地鐵Camden Town站步行約7分鐘

「反士紳化」係乜東東？

士紳化（Gentrification）在網絡上有很多解釋，大體的意思是一個較舊的社區，被重建成為一個供中產階級居往/消費的地方，過程中不免帶動了物業價值、租金及物價上升，令本來舊區內低收入人士要不搬走，要不就捱貴租，因而引申出「反士紳化」現象，當地居民反對士紳化帶來的影響，以遊行、集會等方式表達不滿，甚至聲討政府和大財團，如上文提到的Cereal Killer Cafe淋紅油事件較為激烈，同類事件在德國柏林的Prenzlauer Berg區及漢堡的Reeperbahn街亦有發生，居民不滿大財團要收地而清拆他們的聚腳點，結果發生了一連串反士紳化衝突。

孖仔Alan（右）同Gary原本係蒲精，有日夜蒲後三更半夜想食穀物，但當然搵唔到，因此萌起了開穀物Cafe的念頭。

孖仔Alan（右）同Gary原本係蒲精，有日夜蒲後三更半夜想食穀物，但當然搵唔到，因此萌起了開穀物Cafe的念頭。

除了Cereal Killer Cafe的紅油事件，去年7月Camden Town也發生了一場反士紳化遊行。

除了Cereal Killer Cafe的紅油事件，去年7月Camden Town也發生了一場反士紳化遊行。

獨立雜誌永打不死

穀物Cafe抵唔抵撐，見仁見智，但以獨立雜誌作招徠的Cafe就一定要撐！去年年尾開業的Kioskafé，由《Monocle》雜誌開辦，當然有別於一般的Monocle賣物店，Kioskafé內賣的9成是讀物，範疇主要集中在藝術、音樂、設計、時裝幾方面，加拿大、冰島、德國等100多個國家、超過60種語言的雜誌、報紙通通都有，種類比大型書店仲要多。Cafe更設Print on Demand服務，讀物如阿爾巴尼亞的《Gazeta Paloma》雜誌、柬埔寨的《Phnom Penh》日報、哥倫比亞的《Vanguardia Liberal》報紙等都有。何解如此大膽，在網絡發達，紙媒的嚴冬下開此Cafe？《Monocle》總編Tyler Brule表示：「Kioskafé不止是一間Cafe，而是一個『Celebration of Print』的儀式。」不少人認為網媒將取代紙媒，Tyler不同意，認為紙媒有其存在的價值。希望藉着Kioskafé，將正確的新聞價值以文字方式重新灌輸給被網絡「洗腦」的一代人。Tyler補充道，正如在音樂領域中，獨立唱作人、樂隊唔單止生存到，近年仲愈做愈好。媒體世界一樣如是，網絡的大眾化、沒有養分的內容，跟性格派的獨立雜誌內容絕對冇得比，所以話紙媒才不會死！

Cafe面積只有約300平方呎，一眼見晒。	最令人驚喜的是《dot》這本獨立雜誌，專為學前小朋友開發大腦創作力而設，如果香港都有，港孩會唔會開心啲？£15（約HK$151）。	位於Paddington的Kioskafé，特地用番一貫《Monocle》的黑白Tone簷篷，忠實Fans老遠就睇到。
Cafe除了咖啡，亦有售啤酒、葡萄酒同Prosecco。	Tote Bag有4款，不同顏色寫住不同口號，除了相中的黑白色，還有一款橙色就寫住「Think、Juicy、Newsy」，£3.5（約HK$35）。	Monocle聯乘Comme des Garcons合作推出的香水，£75（約HK$753）。