pokeFAMI Plus紅白機掌上玩
紅白機嘅畫面唔算華麗，但勝在充滿童年回憶，毒性夠高。最近日本遊戲周邊品牌GameJoy，推出了手提遊戲機「pokeFAMI Plus」，可以插上紅白機盒帶出街玩之餘，兼且附有3色AV線和手掣直駁電視打機，Game迷怎能錯過！
內置92款原創遊戲
pokeFAMI Plus的紅金配色和造型可謂向紅白機手掣致敬，主機備有3.5吋彩芒，尺寸跟去年別廠出品的替代機FC Pocket相若，操作方面設有十字鍵、AB鍵和支援連射功能用的AA/BB鍵，小記實試後發覺按鍵反應流暢，而前置喇叭夠響，相當有驚喜。另備有單機專用手掣，方便接駁電視使用。雖則產品支援紅白機盒帶隨插即玩，但主機本身已內置了92款原創遊戲，包括動作、射擊、運動等6個範疇，如射傘兵《Trooper》、打拳擊《Boxing Wrestle》等，就算冇Game帶喺身一樣可以消遣。惟要留意遊戲機不對應充電使用，玩家需另購4枚AAA筆芯電才能玩呢！
撰文：廖俊斌
攝影：方偉堅
查詢電話：2782 0978