$48震撼價原隻手抓跳舞雞

在餐廳或酒樓吃飯，點一隻靚雞閒閒地百多二百元，但富臨集團由即日起，推出原隻棟篤企的「手抓跳舞雞」，重約1斤4両的雞隻，以滾水過冷河後，加入桂皮、沙薑、丁香和香葉等調味料浸醃20至30分鐘入味後，上皮風乾5小時，有需要時才放入燒爐內以慢火燒約20分鐘至金黃色而成。棟篤企的「手抓跳舞雞」，形態佻脫，幾個朋友Share仲可以豪邁地用手撕開來品嘗，別具風味，亮點是只售$48，平絕港九。