有達人、無邋遢 波鞋洗白白！

清潔保養系統 還原靚靚波鞋

近期的大熱波鞋，都離不開採用織面鞋身設計的款式，柔軟輕巧舒適好着當然無得頂，但同時亦因為物料易吸汗加上貼腳關係，就算鞋面洗得幾乾淨，鞋籠都可能殘留因腳汗而形成的污漬。如果你都遇過以上情況，或用盡坊間所有洗鞋神器都洗唔乾淨心愛波鞋，就要試吓由RESHOEVN8R推出的波鞋清潔保養系統。

此系統除包含清潔劑及萬用刷外，更附上一對可調節鞋撐及專用洗鞋袋。波鞋經人手清潔後，再以鞋底對鞋底方式放入洗鞋袋內，索緊袋身索繩後，就可直接連同清潔劑放入洗衣機清洗，咁樣就可以連鞋籠都洗得乾乾淨淨。冇時間自己郁手？只要將波鞋帶上RESHOEVN8R Shoecare Centre，主理人兼專業波鞋清潔達人Ivan就會幫你對鞋變番靚仔，落雨着白鞋出街仲使乜驚？

RESHOEVN8R波鞋清潔保養系統 $320（A）	Sneakersnstuff × adidas Originals ULTRA BOOST	要清洗Primeknit或Flyknit織面波鞋，就一定要用軟刷清潔，並以1：3比例稀釋清潔劑。據Ivan講，重點係要用蒸餾水稀釋，以避免水喉水附有雜質影響清潔效果。
ULTRA BOOST鞋踭穩定膠的污漬，可用絨面或磨沙鞋面擦膠輕力擦拭。	鞋底清潔前會用鉗將污物從鞋底罅隙剔除，繼而使用鞋底刷清潔。	波鞋回復靚仔。

波鞋清潔保養系統中最重要的，是附有兩段繩索設計的洗鞋袋，將可調節鞋撐置於波鞋內，再以鞋底對鞋底方式放於洗鞋袋，索緊袋身繩索便可放進洗衣機。

使用洗衣機進行深層清洗時，記得要選擇「輕柔衣物」及「凍水清洗」模式，但留意此清洗方式比較適合織面波鞋，如鞋身相對較硬並不建議使用。

RESHOEVN8R價目一覽：

基本清潔：標準收費 $200（包括鞋面、中底及鞋底清潔、鞋身保養及防水服務）

深層清潔：標準收費 $250（包括基本清潔、RESHOEVN8R保養系統清洗服務、鞋帶、鞋墊及鞋籠清潔服務、除臭服務）

鞋底/中底漂白服務：$300（基本清潔服務另加$180）

外底維修服務： $300起（低筒）、$400起（高筒）

清潔服務適用於皮革、尼龍及橡膠材質製造的波鞋。至於高級材質如麖皮、磨沙皮、高級皮革、Flyknit及Primeknit製造的波鞋，則收費面議。標準歸還時間為7至10個工作日，快速時間為3至5日工作日（需另加$100服務費）

洗鞋好推介：

RESHOEVN8R 4oz清潔劑連3刷套裝 $260（A）	RESHOEVN8R防水噴霧 $190（A）	3M Scotchgard Fabric Protector 14oz防水噴霧 $86.5（B）
Colloni=l Waterstop 200ml防水噴霧 $98（C）	Crep Protect 200ml防水噴霧 $169（D）	JASON MARKK REPEL 8oz防水噴霧$160（E）
Tarrago Super White白色鞋油 $85（F）	LIQUIPROOF 50ml皮革專用防水噴霧 $128（H）	Jewel除污漬擦膠 $40（G）

同場加映：有備無患 防水噴霧

老老實實，洗波鞋其實只係補救方法，想進一步保護愛鞋的話，就一定要有埋防蝕鞋底貼及防水噴霧。前者只須根據鞋形裁剪合適尺碼，再以風筒將鞋底貼與鞋底緊合，最後再於鞋頭及鞋跟位置貼上防滑磨沙貼便能大大延長鞋的壽命。即使着用多時，鞋底亦可保持全新狀態一樣。

後者雖稱為防水噴霧，但其實仲可以防汁液和塵埃。只要將佢噴灑在鞋上，風乾後即使鞋身沾有污水或汁液，直接以清水沖洗就得（記住千祈唔好抹，因為咁做只會破壞防水薄膜）。如果頻密着用的話，大約3至4星期就應該再補噴，現時市面有大量品牌推出防水噴霧，除了RESHOEVN8R及Jason Markk兩大人氣品牌外，其他品牌如Crep Protect和LIQUIPROOF推出的護理產品都大獲用家好評，不妨花少少時間逐支試吓真正效果。如果污漬是剛剛出現又或者面積不大的話，其實可先以專用除污漬擦膠輕擦又或者以專用白油塗白，呢兩種方法用於對付白色中底污漬最Work。

撰文：賴文曦

攝影：胡振文

查詢電話：（A）NOISY FOLKS 6412 8245、（B）實惠 2663 8833、（C）土屋鞄製造所 2745 6821、（D）Ball Head 3107 9392、（E）WOAW Store 2253 1313、（F）BlackStory Select Shop 6405 8058、（G）Dream Sneaker 6653 1452、（H）K-sneaker 2780 0780