倫敦餐廳怎麼了？

「醫師，麻煩你，我想開一日藥，用來醫肚的。」我確實係因為太肚餓，所以去了藥房，倫敦近期最出名的Pharmacy 2，表面上係一間藥房，實際上，佢係一間餐廳。「Honey，我有點內急，先去廁所再食Tea好嗎？」點知Honey竟然覆我唔使，仲話跟住佢，可以一次過在廁所食埋Tea喇，方便得多。今次來到倫敦，其實只想搵餐安樂茶飯食吓，但又藥房又公廁，倫敦餐廳究竟怎麼了？
餐廳設計今次特地用多了顏色，冇咁似藥房喇啩。
餐廳設計今次特地用多了顏色，冇咁似藥房喇啩。

肚餓？去藥房吧！

如《國產凌凌漆》的武器一樣，表裏不一的餐廳Pharmacy 2，位於Newport Street Gallery內，今年2月尾開業後旋即成為倫敦熱話，皆因餐廳由英國著名當代藝術家Damien Hirst親自操刀設計，個個都要來叨大師的光。餐廳裝修如同藥房一樣，由大門旁的玻璃櫃、吧台，到地板同枱櫈，無一不是藥丸。而放滿藥盒的大型玻璃櫃裝飾，亦是以Damien的出位大作「Medicine Cabinets」為繆斯，玻璃窗上也是七彩的「Butterfly Kaleidoscope」作品，當然畫作上的蝴蝶換了是藥丸設計。

何解餐廳會叫Pharmacy 2做「阿二」？查實Damien早於1998年已在倫敦Notting Hill開過餐廳Pharmacy Restaurant & Bar，當時仲吸引到名模Kate Moss、巨星Madonna同已故英國歌手David Bowie去朝聖，但因為餐廳設計太似藥房，令人誤會走入去要求執藥，搞到Royal Pharmaceutical Society of Great Britain逼餐廳關門大吉。相隔13年，Damien捲土重來，於自己的專屬畫廊內重開餐廳，繼續叫大家「啪藥」，因而命名為「Pharmacy 2」。今次Damien聯同英國大廚Mark Hix合作，推出傳統英國同歐洲菜，羊肉批、生牛肉他他、牛油果多士，菠蘿蛋糕等，食材如St. Mary's Bay的海產，Tiptoe農場的蔬菜，Swainson House的家禽等，都是英國貨，支持本土你懂的。希望今次市民唔好咁易被騙而走入去搵藥買，等餐廳可以繼續正常營業喇。

藥全部都係真，只係唔啪得啫。
  • 藥全部都係真，只係唔啪得啫。
Food Menu係藥丸，Drink Menu係藥樽。
  • Food Menu係藥丸，Drink Menu係藥樽。
以「Medicine Cabinets」作品為繆斯的藥櫃，明明就只係一個診所藥櫃咋嘛，誰是誰的繆斯呀到底？
  • 以「Medicine Cabinets」作品為繆斯的藥櫃，明明就只係一個診所藥櫃咋嘛，誰是誰的繆斯呀到底？
Newport Street Gallery現正舉行美國當代藝術家Jeff Koons個人展，可順道睇埋，免費呀。
  • Newport Street Gallery現正舉行美國當代藝術家Jeff Koons個人展，可順道睇埋，免費呀。
菠蘿批是大廚Mark Hix的推介甜品，£4（約HK$45）。
  • 菠蘿批是大廚Mark Hix的推介甜品，£4（約HK$45）。
St. Mary’s Bay銀鱈魚配青豆，味道偏淡，勝在清新又開胃，£22.5（約HK$252）。
  • St. Mary’s Bay銀鱈魚配青豆，味道偏淡，勝在清新又開胃，£22.5（約HK$252）。
沒有酒精的「Shirley Temple」，以Luscombe薑啤同紅石榴糖漿調製，夠甜又有果香，£4（約HK$45）。
  • 沒有酒精的「Shirley Temple」，以Luscombe薑啤同紅石榴糖漿調製，夠甜又有果香，£4（約HK$45）。

Pharmacy 2

地址：9 Newport Street, London, SE11 6AJ, UK

營業時間：10:30am~12:00mn，

星期日關6:00pm，逢星期一休息

網址：www.pharmacyrestaurant.com

入公廁食S……？

公廁除了用來解決大小「事務」，仲可以用來開餐同Gathering。位於Oxford Circus附近的The Attendant Cafe，由倫敦最臭之地公廁改建而成，外觀保留了原有的維多利亞式風格，古典又優雅；室內方面，將源自1890年的Doulton & Co古董尿兜再生成為咖啡枱。一支公如我，冇得坐大枱，惟有坐在咖啡枱前進食。雖說尿兜已洗到「立立令」，但在平時男士如廁的地方，食件鬆軟的法蘭西多士，歎埋杯來自Caravan Coffee公司的Cappuccino，感覺還是有點奇妙，味道果然不同凡響。

維多利亞式風格的公廁外觀，睇落其實都幾優雅。
  • 維多利亞式風格的公廁外觀，睇落其實都幾優雅。
原來1890年的尿兜咁闊落，當年的男士們，應該不曾擔心過如廁時射出界吧。
  • 原來1890年的尿兜咁闊落，當年的男士們，應該不曾擔心過如廁時射出界吧。
馬桶保留了生銹的質感，臭味變品味。
  • 馬桶保留了生銹的質感，臭味變品味。
廁所內Gathering，不是Coffee小姐的專利呀。
  • 廁所內Gathering，不是Coffee小姐的專利呀。
Cafe不止環境夠Gimmick，菜單也由曾在米芝蓮餐廳Pollen Street Social工作過的廚師設計，品「味」倫敦，大概是這樣。
  • Cafe不止環境夠Gimmick，菜單也由曾在米芝蓮餐廳Pollen Street Social工作過的廚師設計，品「味」倫敦，大概是這樣。
法蘭西多士，用自家製糖漿配意大利軟芝士及熱情果，再來幾朵小花，視覺同味覺都夠晒清新又醒胃，完全唔油膩，£7.5（約HK$85）。
  • 法蘭西多士，用自家製糖漿配意大利軟芝士及熱情果，再來幾朵小花，視覺同味覺都夠晒清新又醒胃，完全唔油膩，£7.5（約HK$85）。
見到咁，我都忍不住放低幾銀，等你繼續紋身喇。
  • 見到咁，我都忍不住放低幾銀，等你繼續紋身喇。

The Attendant Cafe-Fitzrovia

地址：27a Foley Street, London, W1W 6DY, UK

營業時間：8:00am~6:00pm，

逢星期六、日開9:00am

網址：http://the-attendant.com/

冒起倫敦廁文化

倫敦近年致力於「起廁革命」，將地鐵站旁臭「氣」遠播的公廁改建成餐廳，除了剛介紹的The Attendant Cafe外，Clapham Common地鐵站外的公廁亦變身成Pizza店Joe Public同酒吧WC Wine & Charcuterie。兩間食肆都由Andy Bell及Jayke Mangion兩位老闆一同打理。WC Wine & Charcuterie走Chill-Out路線，啱晒工作完一日去飲番兩杯、吃件芝士的偽中產。Joe Public則走親民路線，主打各式Pizza同手工啤酒，約HK$80就有一餐，於物價高的倫敦來說已算好抵食。喜歡倫敦廁文化的你，可考慮一下。

公廁變成現在的餐廳收銀處，餐枱則在室外，感覺更平民。
  • 公廁變成現在的餐廳收銀處，餐枱則在室外，感覺更平民。
Pizza由天然酸種酵母麵糰搓成，口感煙韌，麵粉味亦夠香，£4（約HK$45）。
  • Pizza由天然酸種酵母麵糰搓成，口感煙韌，麵粉味亦夠香，£4（約HK$45）。

TRAVEL NOTES

簽證：持有效特區護照或BNO均毋須簽證

機票：新加坡航空香港來回倫敦（經新加坡）經濟客位約HK$3,970起，如選擇停留新加坡，可購買「新加坡過境隨意行基本套票」，約HK$355元，包1晚住宿及機場接送

貨幣：£1約兌HK$11

天氣：6月天氣約9℃~19℃

特派記者：龔思敏

鳴謝：新加坡航空、Shangri-La Hotel at the Shard