令人葡萄的油價

消委會日前終於出了份「係人都知」的報告，直指油公司沒有跟隨國際油價調整價格，不僅加價，就連減價都可以擴闊差價賺到盡。不過這份報告總算提供了不少數據，唔同平時咁只係口噏噏。香港駕駛者叫苦，原來新加坡人也不好受，編者早前一家大細到新加坡及毗鄰馬來西亞新山短線遊，由於路途較遙遠及需要跨國界，因此選擇包車來回。去馬國新山一程，新加坡司機表現十分勤快，狀似要努力走多轉賺多些錢，有港人步伐急速的親切感。回程時，馬來西亞籍司機卻是悠悠閒閒的「開籠雀」，他指馬國職業司機縱使生意不及新加坡多，但勝在成本低，汽油每公升約6港元更加「無得輸」，比每公升約12港元的新加坡平一半。最啜核是基本上不會抄牌，不像新加坡般限制多多。編者立即諗起中港車經常入滿油才返香港，新加坡人可否照辦煮碗呢？馬國司機說基本上是可以，但着數未必多，因為新加坡車輛從馬來西亞回程時，油缸汽油量限定不能超越四分之三，講到尾，星洲政策方向似乎與香港差不多，都係政府保障油公司。面對高油費，港人惟有朝着慳油的方向揀車，今期介紹的Volkswagen Polo Krypton Edition車仔細細油耗低，另外Mitsubishi Outlander PHEV以插電行駛為主，慳油到極。其他內容還有剛展開激戰的Audi R8 LMS Cup上海站，同樣不要錯過！