五防TG-Tracker 4K槍Cam攝獵樂園

Action Cam近年大熱，用這類機仔影相拍片已成為大趨勢，連Olympus都緊貼潮流，推出旗下首款運動攝錄機TG-Tracker，除了可攝錄4K影片外，更加入五防效能及槍形手柄，今次一於走訪主題樂園不同場景，測試新機威力。

環迴水世界　五軸防震拍片

TG-Tracker有齊30米防水、防塵、-10℃防寒、2.1米防撞、100kgf防壓五防功能，基本上任何惡劣環境都應付得到。小記走到環迴水世界，喺可愛嘅殺人鯨機動遊戲邊玩邊拍，就算上下係咁Chok，Cam內嘅電子五軸防震系統都能令畫面保持穩定，翻睇時就唔會頭暈暈。

環迴水世界玩嘅時候會上下咁Chok，最啱用來試五軸防震。

機身按鍵唔多，操作簡易，就算戴上手套都撳得到。

測試區<br>TG-Tracker的視角相當廣闊，並帶有些少變形效果，而4K影像嘅精細度相當高，無論纜車嘅細節，抑或遠景都睇得清楚。

測試區
TG-Tracker的視角相當廣闊，並帶有些少變形效果，而4K影像嘅精細度相當高，無論纜車嘅細節，抑或遠景都睇得清楚。

海洋列車　LED低光攝錄

市面上大部分Action Cam喺昏暗環境下拍片都唔係好掂，新機嘅鏡頭上方特設LED燈，亮度有60流明，小記乘搭海洋列車喺昏暗環境下，LED燈有效為現場補光，自拍冇難度。機內電池在一般情況可攝錄90分鐘左右，不過開住LED燈後續航力會大打折扣，但勝在支援USB充電，駁住「尿袋」就唔怕冇電。

海洋列車環境昏暗，想低光攝錄可以開啟鏡頭上方嘅LED燈。

拍片畫質提供4K@30fps、1080@60fps，視乎追求成像還是流暢度。

海洋摩天塔　現場環境感測

新機主打戶外攝錄，引進了現場環境感測系統（LOG），能夠記錄座標、方位、高度/深度、溫度、氣壓等，換言之行山、潛水都啱用，而且只要將開關掣撥去「LOG」，就算處於待機狀態仍會記錄環境參數。小記於海洋摩天塔上拍片並將影片匯入手機，發覺透過《Olympus Image Track》App唔單止能夠重播影片，亦能夠以圖表清楚顯示當時身處摩天塔嘅高度，值得一讚。