遊騎術學校歡度母親節

母親節有乜好節目？除了飲茶、逛街、遊主題公園，可有興趣走入屯門參觀公眾騎術學校開放日？活動內容豐富，包括馬術智趣展館、攤位遊戲、彈彈床等，入場人士更可免費欣賞馬術比賽、馬上競技遊戲、香港傷健策騎協會騎術巡禮、騎術短片播放等節目，亦可付費參加「小馬試騎樂」（每人每節$40）及「馬房導賞團」（每人每節$5）。值得一提，可愛的雪特蘭小馬將會在場內現身，參觀人士只須捐款$20或以上，就可以跟牠合照呢！